ପକ୍ଷାଘାତଗ୍ରସ୍ତା ସ୍ତ୍ରୀର ଗଳା କାଟିବା ପରେ, ଛାତରୁ ଡେଇଁପଡ଼ିଲେ ୭୭ ବର୍ଷୀୟ ହୃଦ୍‌ରୋଗୀ ସ୍ବାମୀ

କୋଲକାତା: ପେସାରେ ଛାତ ନିର୍ମାଣ ଠିକାଦାର ଥିବା ଜଣେ ୭୭ ବର୍ଷୀୟ ବୃଦ୍ଧ ସୋମବାର ରାତିରେ ନିଜ ଫ୍ଲାଟ୍‌ରେ ପତ୍ନୀଙ୍କୁ ଧାରୁଆ ଅସ୍ତ୍ରରେ ହତ୍ୟା କରିବା ପରେ ୪ ମହଲା କୋଠା ଛାତରୁ ଡେଇଁ ମୃତ୍ୟୁ ବରଣ କରିଛନ୍ତି। ଆନନ୍ଦପୁର ଥାନା ଅନ୍ତର୍ଗତ ନୋନାଡଙ୍ଗା ବାଲ୍ମୀକି ଆମ୍ବେଡ଼କର ଆବାସନରେ ସୋମବାର ରାତି ପ୍ରାୟ ୯ଟା ୧୫ରେ ଏହି ଘଟଣା ଘଟିଛି।

The Times of India

ଗୀତା ସମଦ୍ଦାର (୬୧) ନାମକ ମହିଳା ଜଣକ ଗତ ୧୦ ବର୍ଷ ହେବ ବ୍ରେନ୍‌ଷ୍ଟ୍ରୋକ୍‌-ଜନିତ ପକ୍ଷାଘାତଗ୍ରସ୍ତ ହୋଇ ଶଯ୍ୟାଶାୟୀ ଥିଲେ। ତାଙ୍କ ସ୍ୱାମୀ ଅମୂଲ୍ୟ ସମଦ୍ଦାର (୭୭) ତାଙ୍କର ଏକମାତ୍ର ସହାୟକ ଥିଲେ, ଯିଏ କି ସମସ୍ତ ଆର୍ଥିକ ଅସୁବିଧା ସହ ସଂଘର୍ଷ କରୁଥିଲେ। ଅମୂଲ୍ୟଙ୍କ ପକେଟରୁ ଏକ ସୁଇସାଇଡ୍ ନୋଟ୍ ମିଳିଥିଲା ଯେଉଁଥିରେ ଲେଖାଥିଲା ଯେ ତାଙ୍କ ମୃତ୍ୟୁ ପାଇଁ କାହାକୁ ଦାୟୀ କରାଯିବ ନାହିଁ। ସେ ତାଙ୍କ ପତ୍ନୀଙ୍କୁ ହତ୍ୟା କରିଥିବା ମଧ୍ୟ ଚିଠିରେ ଉଲ୍ଲେଖ କରିଛନ୍ତି। ଦମ୍ପତିଙ୍କର ଦୁଇ ଝିଅ- ଜଣେ ଠାକୁରପୁକୁରରେ ଓ ଅନ୍ୟ ଜଣେ ବାଂଶଦ୍ରୋଣୀରେ ବାସ କରନ୍ତି। ରବିବାର ମଧ୍ୟ ସେମାନେ ପିତାମାତାଙ୍କୁ ଭେଟିବାକୁ ଆସିଥିଲେ। ପଡ଼ୋଶୀମାନେ କହିଛନ୍ତି ଯେ ଅମୂଲ୍ୟ ଜଣେ ଅତ୍ୟନ୍ତ ଯତ୍ନବାନ ସ୍ୱାମୀ ଥିଲେ। ପୁଲିସ ଏ ବିଷୟରେ ଅଧିକ ତଦନ୍ତ କରୁଛି।