ଟ୍ରେନ୍‌ ଲାଇନ୍‌କୁ ରାସ୍ତା ଭାବି କାର୍‌ ଚଳାଇଲେ ନିଶାସକ୍ତ ବ୍ୟକ୍ତି

ତିରୁଅନନ୍ତପୁରମ : କେରଳରୁ ଏକ ଅଜବ ଘଟଣା ସାମ୍ନାକୁ ଆସିଛି। ନିଶାରେ ଚୁର୍‌ ଥିବା ଜଣେ ବ୍ୟକ୍ତି ରେଳ ଧାରଣାରେ କାର୍‌ ଚଳାଇଛନ୍ତି। ସଂପୃକ୍ତ ବ୍ୟକ୍ତିଙ୍କ ନାମ ଜୟପ୍ରକାଶ ଏବଂ ତାଙ୍କ ଘର ଅଞ୍ଜରାକାଣ୍ଡି ଅଞ୍ଚଳରେ। କନ୍ନୁର ସିଟି ପୁଲିସ ତାଙ୍କୁ ଗିରଫ କରିଛି। ଉକ୍ତ ଘଟଣାର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହୋଇଛି।

ଥାଝେ ଚୋଭା ରେଳ ‌‌କ୍ରସିଂ ନିକଟରେ କାର୍‌ଟି ଟ୍ରେନ ଟ୍ରାକ ମଝିରେ ରହିଥିବା ଦେଖିବାକୁ ମିଳିଥିଲା। ନିଶାଶକ୍ତ ବ୍ୟକ୍ତି ଜଣକ ଚାଳକ ସିଟ୍‌ରେ ବସିଥିଲେ। ସଂପୃକ୍ତ ବ୍ୟକ୍ତିଜଣକ ଏତେମାତ୍ରାରେ ନିଶାଶକ୍ତ ଥିଲେ ଯେ କାର୍‌ଟି କେଉଁଠି ଅଛି ତାହା ଜାଣି ପାରି ନଥିଲେ। ନିଶାରେ ଥିବାବେଳେ ବ୍ୟକ୍ତିଜଣକ କାର୍‌ ଗିୟର ‌ବଦଳାଇବା ଦେଖିବାକୁ ମିଳିଥିଲା। ପ୍ରତ୍ୟକ୍ଷଦର୍ଶୀଙ୍କ କହିବାନୁଯାୟୀ, କାର୍‌ଟି ରେଳ ଧାରଣାରେ ପ୍ରାୟ ୧୫ ମିଟର ଚାଲିଛି। ତାହାପରେ ହଠାତ୍‌ ବନ୍ଦ ହୋଇଯାଇଥିଲା। ଉକ୍ତ ଘଟଣାରେ ପୁଲିସ ଜୟପ୍ରକାଶଙ୍କୁ ଗିରଫ କରିବା ପରେ ତାଙ୍କୁ ଜାମିନ ମିଳିଛି।