/sambad/media/agency_attachments/2024-07-24t043029592z-sambad-original.webp)
/sambad/media/member_avatars/2024-09-12t092703765z-halim.jpeg)
/sambad/media/media_files/2025/01/05/lAKDZb68nHMiqg3CImBj.jpeg)
ଜେରୁଜେଲମ୍: ହମାସ୍ର ସାମରିକ ୱିଙ୍ଗ ଅଲ-କାସାମ ବ୍ରିଗେଡ ଏକ ଭିଡିଓ ଜାରି କରିଛି ଯେଉଁଥିରେ ୧୯ ବର୍ଷ ବୟସ୍କା ଇସ୍ରାଏଲର କଏଦୀ ଲିରି ଏଲବାଗଙ୍କୁ ଦୟନୀୟ ଅବସ୍ଥାରେ ଦେଖିବାକୁ ମିଳୁଛି। ୭ ଅକ୍ଟୋବର ୨୦୨୩ ଠାରୁ ତାଙ୍କର ଅପହରଣ ନେଇ ସେ ଇସ୍ରାଏଲ ସରକାରଙ୍କୁ ଦାୟୀ କରୁଛନ୍ତି। ଭିଡିଓ ଫୁଟେଜରେ ଏଲବାଗ ଇସ୍ରାଏଲ୍ ସରକାର ଏବଂ ସେନା ବନ୍ଧକମାନଙ୍କୁ ସେମାନଙ୍କ ଭାଗ୍ୟ ଉପରେ ଛାଡି ଦେଇଥିବା ଅଭିଯୋଗ କରିଛନ୍ତି।
ଟାଇମ୍ସ ଅଫ୍ ଇସ୍ରାଏଲର ଏକ ରିପୋର୍ଟ ଅନୁଯାୟୀ, ଯେତେବେଳେ ହମାସ୍ ଆକ୍ରମଣ କରିଥିଲା, ସେତେବେଳେ ଇସ୍ରାଏଲ୍ ପ୍ରତିରକ୍ଷା ବାହିନୀ (ଆଇଡିଏଫ୍) ସୈନିକ ଲିରି ଏଲବାଗ ଗାଜା ସୀମା ନିକଟସ୍ଥ ନାହଲ ଓଜ ସାମରିକ ବେସ୍ରେ ଅବସ୍ଥାପିତ ହୋଇଥିଲେ। ଏହି ଆକ୍ରମଣରେ ତାଙ୍କୁ ଏବଂ ଅନ୍ୟ ୬ଜଣଙ୍କୁ ବନ୍ଧକ ରଖାଯାଇଥିବା ବେଳେ ଏହି ଆକ୍ରମଣରେ ୧୫ ଜଣ ସୈନିକ ନିହତ ହୋଇଥିଲେ।
ସାଢ଼େ ତିନି ମିନିଟର ଭିଡିଓରେ ଏଲବାଗ ହିବ୍ରୁ ଭାଷାରେ କହିଛନ୍ତି, ମୋର ବୟସ ମାତ୍ର ୧୯ ବର୍ଷ। ମୋର ସମ୍ପୂର୍ଣ୍ଣ ଜୀବନ ମୋ ସାମ୍ନାରେ ଅଛି, କିନ୍ତୁ ବର୍ତ୍ତମାନ ମୋର ଏଠାରେ ଜୀବନ ବନ୍ଦ ହୋଇଯାଇଛି।
ଭିଡିଓରେ ଏଲବାଗ ପ୍ରକାଶ କରିଛନ୍ତି ଯେ, ଇସ୍ରାଏଲର ସାମରିକ କାର୍ଯ୍ୟାନୁଷ୍ଠାନ ଯୋଗୁ ଅନ୍ୟ ଜଣେ ବନ୍ଦୀ ଗୁରୁତର ଆହତ ହୋଇଛନ୍ତି। ଦୁଃଖ ପ୍ରକାଶ କରି ସେ ଏହା ମଧ୍ୟ କହିଛନ୍ତି, ସରକାର କିମ୍ବା ସେନା ପାଇଁ ବନ୍ଦୀମାନେ ପ୍ରାଥମିକତା ନୁହନ୍ତି।
🚨‼️🇵🇸🇮🇱Hamas release video of Israeli hostage, LIRI ALBAG.
— Iqbal Hossain (@yki_niassoh) January 4, 2025
She looks safe and healthy, even gain some weight. All you have to do is release 9,500 of Palestinian hostages kept by terrorist Israel and cease all fire against Palestinian and give a two state solution.
All hostages… pic.twitter.com/BBDZaiFV0D
ଏହି ଭିଡିଓ ଜାରି ହେବା ପରେ ଏଲବାଗଙ୍କ ପରିବାର ସଦସ୍ୟ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତ୍ୟାନାହୁଙ୍କ ଉଦ୍ଦେଶ୍ୟରେ କହିଛନ୍ତି ଏହି ଫୁଟେଜ୍ ଆମ ହୃଦୟକୁ ଭାଙ୍ଗି ଦେଇଛି।
ଅଧିକ ପଢ଼ନ୍ତୁ: ୫୦ ବାଂଲାଦେଶୀ ବିଚାରପତି ଭୋପାଳରେ ତାଲିମ ନେବେ: ଖର୍ଚ୍ଚ ବହନ କରିବେ ଭାରତ ସରକାର
ତାଙ୍କର ନିରାପଦରେ ମୁକ୍ତ ହେବା ପାଇଁ ପରିବାର ପକ୍ଷରୁ ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କ ନିକଟରେ ନିବେଦନ କରାଯାଇଛି। ପରିବାର କହିଛନ୍ତି ଯେ ସେ ଆପଣଙ୍କର ନିଜ ସନ୍ତାନ ପରି। ଏବେ ଆପଣଙ୍କର ନିଷ୍ପତ୍ତି ନେବାର ସମୟ।
"Liri, if you're hearing us, tell the others that all the families are moving heaven and earth. We will fight until all hostages are returned"
— Bring Them Home Now (@bringhomenow) January 4, 2025
Eli and Shira Albag , Liri Albag's Parents, called the Prime Minister and Defense Minister, after watching her video from captivity,… pic.twitter.com/Y9xAh47W7O
ସୂଚନାଯୋଗ୍ୟ, ୭ ଅକ୍ଟୋବର ୨୦୨୩ରେ ହୋଇଥିବା ହମାସ୍ ଆକ୍ରମଣରେ ୨୫୦ ଇସ୍ରାଏଲୀୟଙ୍କୁ ଅପହରଣ କରାଯାଇଥିଲା। ସେମାନଙ୍କ ମଧ୍ୟରୁ ପ୍ରାୟ ୯୦ ଜଣ ଗାଜାରେ ବନ୍ଧକ ଅଛନ୍ତି। ବନ୍ଧକମାନଙ୍କୁ ମୁକ୍ତ କରିବା ନେଇ ଇସ୍ରାଏଲରେ ପ୍ରଦର୍ଶନ କରାଯାଉଛି।
ଅଧିକ ପଢ଼ନ୍ତୁ: ଆଫଗାନିସ୍ତାନରେ ଗୃହଯୁଦ୍ଧ ପାଇଁ ପାକିସ୍ତାନ ସେନାର ଷଡ଼ଯନ୍ତ୍ର
