ଟିକେଟ ପାଇଁ କେଜ୍ରିଓ୍ଵାଲଙ୍କୁ ୬ କୋଟି ଟଙ୍କା ଦେବା ଘଟଣା: ଆପ୍ ପ୍ରାର୍ଥୀ କହିଲେ ପୁଅ ଆଣିଥିବା ଅଭିଯୋଗ ସଂପୂର୍ଣ୍ଣ ମିଥ୍ୟା
ନୂଆଦିଲ୍ଲୀ : ଆସନ୍ତାକାଲି ଲୋକସଭା ନିର୍ବାଚନର ଷଷ୍ଠ ପର୍ଯ୍ୟାୟ ମତଦାନ ହେବାକୁ ଥିବା ବେଳେ କିଛି ସମୟ ପୂର୍ବରୁ ଆପ୍ର ମୁଖ୍ୟ ତଥା ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଥିଲା । ପଶ୍ଚିମ ଦିଲ୍ଲୀରୁ ଆପ୍ର ପ୍ରାର୍ଥୀ ଥିବା ବଳବୀର ସିଂହ ଝାକଡ଼ଙ୍କ ପୁଅ ଉଦୟ ଝାକଡ଼ କେଜ୍ରିଓ୍ଵାଲଙ୍କୁ ନେଇ ଏକ ବଡ଼ ବୟାନ ଦେଇଥିଲେ । ଲୋକସଭା ନିର୍ବାଚନରେ ଟିକେଟ ପାଇବା ପାଇଁ ଆପ୍ର ମୁଖ୍ୟ ତଥା ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ତାଙ୍କ ବାପା ୬କୋଟି ଟଙ୍କା ଦେଇଥିଲେ ବୋଲି କହିଥିଲେ ଉଦୟ । ତେବେ ଉଦୟଙ୍କ ଅଭିଯୋଗ ପରେ ଏବେ ତାଙ୍କ ବାପା ବଳବୀର ସିଂହଙ୍କ ପ୍ରତିକ୍ରିୟା ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
#WATCH Aam Aadmi Party’s West Delhi candidate, Balbir Singh Jakhar’s son Uday Jakhar: My father joined politics about 3 months ago, he had paid Arvind Kejriwal Rs 6 crore for a ticket, I have credible evidence that he had paid for this ticket. pic.twitter.com/grlxoDEFVk
— ANI (@ANI) May 11, 2019
ତାଙ୍କ କହିବା ଅନୁଯାୟୀ, ଉଦୟ ଜନ୍ମ ହେବା ପରେ ଆମେ ସ୍ୱାମୀ-ସ୍ତ୍ରୀ ଛାଡ଼ପତ୍ର ନେଇଥିଲୁ । ଉଦୟ ଏବେ ତା’ର ମା’ ପାଖରେ ରହୁଛି । ମୁଁ ମୋର ପ୍ରାର୍ଥୀତ୍ୱକୁ ନେଇ କେବେ ହେଲେ ଉଦୟ ସହ ଆଲୋଚନା କରି ନାହିଁ । ଆମେ ଖୁବ୍ କମ କଥା ହେଉ । ସେ ମୋ ସହ ମାତ୍ର ୬-୭ମାସ ରହିଛି । ଟଙ୍କା ଦେବା କଥାକୁ ନେଇ ସେ ଯାହା ବି କହିଛି ତାହା ସଂପୂର୍ଣ୍ଣ ମିଛ ବୋଲି କହିଛନ୍ତି ବଲବୀର ସିଂହ ।
ତେବେ ଏଭଳି ଖବର ଆସିବା ପରେ ବିଜେପି ନେତା ପ୍ରବୀନ ଖଣ୍ଡେଲଓ୍ଵାଲ ଘଟଣାର ଯାଞ୍ଚ ଲାଗି ନିର୍ବାଚନ କମିସନଙ୍କୁ ଅନୁରୋଧ କରିଛନ୍ତି।