ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଆତଙ୍କ । ତିନି ତିନିଟି ହତ୍ୟାକାଣ୍ଡ ପରେ ଆତଙ୍କିତ ଦିଲ୍ଲୀବାସୀ । ଗୋଟିଏ ଦିନରେ ଅଲଗା ଅଲଗା ସ୍ଥାନରେ ୩ଟି ହତ୍ୟାକାଣ୍ଡ ପରେ ଲୋକେ ତ ଭୟରେ ଅଛନ୍ତି ଏହାରି ଭିତରେ ରାଜନୀତିର ରୁଟି ସେକିଛି ଆମ୍ ଆଦମୀ ପାର୍ଟି । ଦିଲ୍ଲୀରେ ଆଇନ ଶୃଙ୍ଖଳା ବିଗିଡି ଯାଇଥିବା ନେଇ ଅଭିଯୋଗ ଆଣିବା ସହ ରେଖା ସରକାରଙ୍କ ଶାସନ ବ୍ୟବସ୍ଥା ଉପରେ ପ୍ରଶ୍ନ ଉଠାଇଛି ।

Advertisment

ତେବେ ପ୍ରଥମ ହତ୍ୟାକାଣ୍ଡ ସେଣ୍ଟ୍ରାଲ ଦିଲ୍ଲୀର ନବି କରିମ ଅଞ୍ଚଳରେ ହୋଇଛି । ଯେଉଁଠି ହତ୍ୟାକାରୀୱ ସ୍କ୍ରୁଡ୍ରାଇଭରରେ ଭୁସି ହତ୍ୟା କରିଛନ୍ତି । ସଡ଼କ ଦୁର୍ଘଟଣାକୁ ନେଇ ପ୍ରବଳ ଯୁକ୍ତିତର୍କ ପରେ ଏହି ହତ୍ୟାକାଣ୍ଡ ଘଟିଛି । ତେବେ ଜଣେ ୩୪ ବର୍ଷୀୟ ମହେନ୍ଦ୍ରଙ୍କ ଗାଡି ଅନ୍ୟଜଣଙ୍କ ଗାଡି ଉପରେ ଚଢିଯିବାରୁ ଦୁଇ ଭାଇ ଲକି ଏବଂ ସାଗର ଏକ ସ୍କ୍ରୁଡ୍ରାଇଭର ସାହାଯ୍ୟରେ ମହେନ୍ଦ୍ରଙ୍କ ହତ୍ୟା କରିଥିଲେ । ଆଉ ଏହି ହତ୍ୟାକାଣ୍ଡ ପରେ ଉଭୟ ଅଭିଯୁକ୍ତ ଫେରାର ଅଛନ୍ତି ।

୨ୟ ହତ୍ୟାକାଣ୍ଡଟି ସେହି ସେଣ୍ଟ୍ରାଲ ଦିଲ୍ଲୀର ପଞ୍ଜାବୀ ବସ୍ତିରେ ଘଟିଛି । ମଦ୍ୟପାନ ଏବଂ ପୂର୍ବ ଶତ୍ରୁତାକୁ କେନ୍ଦ୍ର କରି ୨୪ ବର୍ଷିୟ ଯୁବକଙ୍କୁ ଛୁରୀ ଭୁସି ହତ୍ୟା କରାଯାଇଛି । ଘଟଣାରେ ୨ ଜଣଙ୍କୁ ଗିରଫ କରାଯାଇଛି ।

ସେହିପରି ୩ୟ ହତ୍ୟାକାଣ୍ଡକୁ ନେଇ ଆଜି ଉଠୁଛି ପଡୁଛି ଦିଲ୍ଲୀ । ହତ୍ୟାକାଣ୍ଡଟି ଉତ୍ତର-ପୂର୍ବ ଦିଲ୍ଲୀର ସୀଲମପୁରର ଘଟିଛି । ଯେଉଁଠି ଜଣେ ୧୭ ବର୍ଷୀୟ ନାବାଳକକୁ ନିର୍ମମ ଭାବରେ ଛୁରି ଭୁସି ହତ୍ୟା କରାଯାଇଛି । ମୃତକର ନାମ କୁନାଲ ହୋଇଥିବା ବେଳେ ସେ ସେହି ଅଞ୍ଚଳର ବାସିନ୍ଦା ରାଜବୀରଙ୍କ ପୁଅ । ଗୁରୁବାର ସନ୍ଧ୍ୟା ପ୍ରାୟ ୭:୩୮ ସମୟରେ ନାବାଳକ ଉପରେ ଆକ୍ରମଣ ହୋଇଥିଲା।

ତେବେ ଏହି ୩ଟି ଘଟଣା ପରେ ବିରୋଧୀ ଦଳ ନେତା ଆତିଶୀ ଏକ୍ସରେ ପୋଷ୍ଟ କରି କହିଛନ୍ତି, ଦିଲ୍ଲୀରେ ହତ୍ୟାକାଣ୍ଡ ହେଉଛି-ପୋଲିସ କଣ କରୁଛି । ସେହିପରି ଆପ୍ ରାଜ୍ୟସଭା ସାଂସଦ ସଞ୍ଜୟ ସିଂହ କହିଛନ୍ତି- ଦିଲ୍ଲୀରେ ବଢୁଛି ଅପରାଧ ।