ନୂଆଦିଲ୍ଲୀ: ନିର୍ବାଚନ ଆୟୋଗ ଦ୍ୱାରା ୨୦ ଜଣ ଆପ୍ ବିଧାୟକଙ୍କୁ ଅଯୋଗ୍ୟ ଘୋଷଣା କରାଯିବା ପ୍ରସଙ୍ଗ ଏକ ନାଟକୀୟ ମୋଡ଼ ନେଇଛି । ନିର୍ବାଚନ ଆୟୋଗର ଏହି ନିଷ୍ପତ୍ତି ଉପରେ ସ୍ଥଗିତାଦେଶ ଲଗାଇବା ପାଇଁ ଆପ୍ ପକ୍ଷରୁ ଦିଲ୍ଲୀହାଇକୋର୍ଟରେ କରାଯାଇଥିବା ଆବେଦନକୁ ଦଳ ପ୍ରତ୍ୟାହାର କରିନେଇଛି ।
Sambad is now on WhatsApp
Join and get latest news updates delivered to you via WhatsApp
ଆପ୍ର ଓକିଲ କୋର୍ଟଙ୍କୁ ଜଣାଇଛନ୍ତି ଯେ ରାଷ୍ଟ୍ରପତିଙ୍କ ପକ୍ଷରୁ ନିର୍ବାଚନ ଆୟୋଗଙ୍କ ସୁପାରିଶକୁ ମଂଜୁର କରି ବିଜ୍ଞପ୍ତି ପ୍ରକାଶ କରାଯିବା ପରେ ଏହି ମାମଲାଟି ଗୁରୁତ୍ୱହୀନ ହୋଇପଡିଛି । ତେବେ ରାଷ୍ଟ୍ରପତିଙ୍କ ନିର୍ଦ୍ଦେଶନାମାକୁ ଭଲଭାବେ ପଢିବାପରେ ଏକ ସାନି ପିଟିସନ ଫାଇଲ କରାଯାଇପାରେ ବୋଲି ଓକିଲ କହିଛନ୍ତି ।
ରାଷ୍ଟ୍ରପତି ରାମନାଥ କୋବିନ୍ଦ ଗତକାଲି ଗ୍ରହଣ କରିନେଇଥିଲେ । ସୂଚନାଯୋଗ୍ୟ ଯେ ନିର୍ବାଚନ ଆୟୋଗ ଦ୍ୱାରା ଆପର ୨୦ ବିଧାୟକଙ୍କ ସଦସ୍ୟ ପଦ ରଦ୍ଦ ଲାଗି ରାଷ୍ଟ୍ରପତିଙ୍କୁ ସୁପାରିଶ କରାଯାଇଥିଲା । ରାଷ୍ଟ୍ରପତି ରାମନାଥ କୋବିଦଙ୍କୁ କରିଥିବା ନିଜର ସୁପାରିଶରେ ଆୟୋଗ କହିଥିଲା ଯେ ଏହି ୨୦ ଜଣ ବିଧାୟକ ଥାଇ ସଂସଦୀୟ ସଚିବ ପଦ ରଖିଛନ୍ତି । ଯାହାକି ଏକ ଲାଭକାରୀ ପଦବୀ । ଏଣୁ ସେମାନଙ୍କ ସଦସ୍ୟ ପଦ ରଦ୍ଦ ହେବା ଉଚିତ । ଏହି ନିଷ୍ପତ୍ତି ବିରୋଧରେ ଏହି ୨୦ ଜଣ ବିଧାୟକ ଦିଲ୍ଲୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।