ନୂଆଦିଲ୍ଳୀ: ଆପ ନେତା ତଥା ଦିଲ୍ଲୀର ପୂର୍ବତନ ମନ୍ତ୍ରୀ ମନୀଷ ସିସୋଦିଆ ଏବଂ ସତ୍ୟେନ୍ଦ୍ର ଜୈନଙ୍କୁ ସମନ ଜାରି ହୋଇଛି। ୨୦୦୦ କୋଟି ଟଙ୍କାର ଶ୍ରେଣୀଗୃହ ନିର୍ମାଣ ଦୁର୍ନୀତି ମାମଲାରେ ଦୁର୍ନୀତି ନିବାରଣ ବ୍ୟୁରୋ ଆଏହି ଦୁଇ ଶୀର୍ଷ ନେତାଙ୍କୁ ସମନ କରିଛି। ଜୈନଙ୍କୁ ଜୁନ୍ ୬ ତାରିଖରେ ସମନ କରାଯାଇଛି, ଯେତେବେଳେ ସିସୋଦିଆଙ୍କୁ ଜୁନ୍ ୯ ତାରିଖରେ ଦିଲ୍ଲୀର ବ୍ୟୁରୋ କାର୍ଯ୍ୟାଳୟକୁ ଯିବାକୁ କୁହାଯାଇଛି।

Advertisment

ଦୁର୍ନୀତି ନିବାରଣ ବ୍ୟୁରୋ ଏପ୍ରିଲ ୩୦ ତାରିଖରେ ଏହି ମାମଲାରେ ଦୁଇ ନେତାଙ୍କ ବିରୋଧରେ ଏକ ଏଫ୍ଆଇଆର୍ ଦାୟର କରିଥିଲା। ଯେଉଁଥିରେ ଅଭିଯୋଗ ହୋଇଥିଲା ଯେ ଦିଲ୍ଲୀରେ ପୂର୍ବ ଆପ ସରକାରଙ୍କ ଅଧୀନରେ ୧୨,୭୪୮ଟି ଶ୍ରେଣୀଗୃହ ଏବଂ କୋଠା ନିର୍ମାଣ ଅତ୍ୟନ୍ତ ଚଢ଼ା ମୂଲ୍ୟରେ କରାଯାଇଥିଲା। ଆପ ଶାସନରେ ସିସୋଦିଆ ଶିକ୍ଷା ମନ୍ତ୍ରୀ ଥିଲେ ଯେତେବେଳେ କି ଜୈନ ପବ୍ଲିକ୍ ୱାର୍କସ୍ ଡିପାର୍ଟମେଣ୍ଟ (ପିଡବ୍ଲୁଡି) ପୋର୍ଟଫୋଲିଓ ରଖିଥିଲେ।

ଏଫଆଇଆର ଦାଖଲ କରିବା ସମୟରେ ଦୁର୍ନୀତି ନିବାରଣ ପ୍ୟାନେଲ କହିଛି ଯେ ନିର୍ଦ୍ଦିଷ୍ଟ ସମୟ ମଧ୍ୟରେ ପ୍ରଚୁର ଅର୍ଥ ବ୍ୟୟ ହୋଇଥିବା ବେଳେ ଗୋଟିଏ ବି କାର୍ଯ୍ୟ ସମାପ୍ତ ହୋଇନଥିଲା। ପରାମର୍ଶଦାତା ଏବଂ ସ୍ଥପତିଙ୍କୁ ଉପଯୁକ୍ତ ପ୍ରକ୍ରିୟା ଅନୁସରଣ ନକରି ନିଯୁକ୍ତ କରାଯାଇଥିଲା।