ଅଭିଷେକ ବଚ୍ଚନ କୋଭିଡ୍-୧୯ରୁ ଆରୋଗ୍ୟ ହେଲେ; ଏବେ ଘରକୁ ଫେରୁଥିବାରୁ ବହୁତ ଖୁସି
ନୂଆଦିଲ୍ଲୀ: ଅଭିନେତା ଅଭିଷେକ ବଚ୍ଚନଙ୍କ କୋଭିଡ୍-୧୯ ପରୀକ୍ଷା ରିପୋର୍ଟ ଆଜି ନେଗେଟିଭ୍ ଆସିଛି। ଏ ସଂପର୍କରେ ସେ ଡାକ୍ତରଖାନାରୁ ସୋସିଆଲ ମିଡିଆରେ ପୋଷ୍ଟ କରି ସୂଚନା ଦେଇଛନ୍ତି। କୋଭିଡ୍-୧୯ ପରୀକ୍ଷା ରିପୋର୍ଟ ନେଗେଟିଭ୍ ଆସିବା ପରେ ଏବେ ମୁଁ ଘରକୁ ଯିବାକୁ ସକ୍ଷମ ହୋଇଥିବାରୁ ଖୁସି ବୋଲି ସେ ହସ୍ପିଟାଲରୁ ପୋଷ୍ଟ କରିଛନ୍ତି।
ଉଲ୍ଲେଖଯୋଗ୍ୟ, ଗତ ଜୁଲାଇ ୧୧ରେ ତାଙ୍କର କୋଭିଡ୍-୧୯ ପରୀକ୍ଷା ରିପୋର୍ଟ ପଜିଟିଭ୍ ଆସିବା ପରେ ସେ ମୁମ୍ବାଇର ନାନାବତୀ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ। ପ୍ରାୟ ଏକ ମାସଧରି ଚିକିତ୍ସାଧୀନ ରହିବା ପରେ ଆଜି ତାଙ୍କର ରିପୋର୍ଟ ନେଗେଟିଭ୍ ଆସିଛି। ୪୪ ବର୍ଷୀୟ ଅଭିନେତା ଅଭିଷେକ ଶନିବାର ଅପରାହ୍ନରେ ସୋସିଆଲ ମିଡିଆ ପୋଷ୍ଟରେ ଏହି ଖବର ସେୟାର କରିଛନ୍ତି। ଆଇସୋଲେସନ୍ ୱାର୍ଡ ଭିତରୁ ତାଙ୍କ ସ୍ୱାସ୍ଥ୍ୟ ବୋର୍ଡର ଏକ ଫଟୋ ସେୟାର କରି ଲେଖିଛନ୍ତି: ମୁଁ ଆପଣଙ୍କୁ କହିଲି! ଡିସଚାର୍ଜ ଯୋଜନା: ହଁ! ଆଜି ଅପରାହ୍ନରେ ମୁଁ କୋଭିଡ୍-୧୯ ପରୀକ୍ଷାରେ ନେଗେଟିଭ୍ ଆସିଛି। ଆପଣମାନଙ୍କର ପ୍ରାର୍ଥନା ଏବଂ ସଦିଚ୍ଛା ପାଇଁ ସମସ୍ତଙ୍କୁ ଧନ୍ୟବାଦ। ଘରକୁ ଯାଇଥିବାରୁ ମୁଁ ବହୁତ ଖୁସି। ଅଭିଷେକ ଡାକ୍ତରଖାନାର ସ୍ୱାସ୍ଥ୍ୟସେବା କର୍ମଚାରୀଙ୍କୁ ମଧ୍ୟ କୃତଜ୍ଞତା ଜଣାଇଛନ୍ତି: ନାନାବତୀ ଡାକ୍ତରଖାନାର ଡାକ୍ତର ଏବଂ ନର୍ସିଂ କର୍ମଚାରୀଙ୍କ ପାଇଁ ମୋର ଏବଂ ମୋର ପରିବାରର ଯତ୍ନ ନେବା ଏବଂ କୋଭିଡ-୧୯କୁ ପରାସ୍ତ କରିବାରେ ସାହାଯ୍ୟ କରିଥିବାରୁ ମୁଁ ସେମାନଙ୍କ ନିକଟରେ କୃତଜ୍ଞତ। ସେମାନଙ୍କ ବିନା ଆମେ ଏହା କରିପାରି ନଥାନ୍ତେ।
ଜୁଲାଇ ୧୧ରେ, ଉଭୟ ଅଭିଷେକ ଏବଂ ତାଙ୍କ ପିତା ଅମିତାଭ ବଚ୍ଚନଙ୍କୁ କୋଭିଡ୍-୧୯ ପଜିଟିଭ ପରୀକ୍ଷା ପାଇଁ ମୁମ୍ବାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତିନି ସପ୍ତାହରୁ ଅଧିକ ସମୟ ପରେ ଅମିତାଭ ବଚ୍ଚନଙ୍କ ରିପୋର୍ଟ ନେଗେଟିଭ୍ ଆସିବା ପରେ ସେ ଅଗଷ୍ଟ ୨ରେ ଘରକୁ ଫେରିଥିଲେ। ଅଭିଷେକଙ୍କ ପତ୍ନୀ ଐଶ୍ୱର୍ଯ୍ୟା ମଧ୍ୟ କୋଭଇଡ୍-୧୯ ପଜିଟିଭ୍ ଥିବା ଜଣାପଡ଼ିବା ପରେ ହସ୍ପିଟାଲରେ ଥିଲେ ଏବଂ ରିପୋର୍ଟ ନେଗେଟିଭ୍ ଆସିବା ପରେ ଜୁଲାଇ ୨୭ରେ ଘରକୁ ଫେରିଥିଲେ। ସେମାନଙ୍କ ଆଠ ବର୍ଷର କନ୍ୟା ଆରାଧ୍ୟା ମଧ୍ୟ କୋଭିଡ୍-୧୯ ପଜିଟିଭ୍ ଥାଇ ଚିକିତ୍ସାଧୀନ ଥିଲେ। ଏବଂ ରିପୋର୍ଟ ନେଗେଟିଭ୍ ଆସିବା ପରେ ସୁସ୍ଥ ହୋଇ ଐଶ୍ୱର୍ଯ୍ୟାଙ୍କ ସହିତ ଘରକୁ ଫେରିଥିଲେ।
Comments are closed.