ଇନ୍ଦୋର: ମେଘାଳୟ ହନିମୁନ ହତ୍ୟା ମାମଲାରେ ସାମ୍ନାକୁ ଆସିଲା ମୃତ ରାଜା ରଘୁବଂଶୀଙ୍କ ମାଆଙ୍କ ପ୍ରତିକ୍ରିୟା । ଏକମାତ୍ର ପୁଅକୁ ହରାଇ ଭାଙ୍ଗିପଡିଥିବା ମାଆ ହତ୍ୟାକାରୀ ବୋହୂକୁ ଫାଶୀ ଖୁଣ୍ଟରେ ଚଢାଇ ଦେବାକୁ ଦାବି କରିଛନ୍ଚି । କାନ୍ଦି କାନ୍ଦି ରାଜାଙ୍କ ମାଆ ଉମା କହିଛନ୍ତି- ଆମେ କେବେ ବି ଭାବି ନଥିଲୁ ଖୁସି କରିବାକୁ ଯାଇଥିବା ପୁଅ ସହ ଏମିତି ବର୍ବରକାଣ୍ଡ ହେବ ବୋଲି । ପୁଅ କହୁଥିଲା ସୋନମ କାହାକୁ କିଛି ନଜଣାଇ ଫ୍ଲାଇଟ୍ ଟିକେଟ୍ ବୁକ କରିଦେଇଥିଲା ଆଉ ତାକୁ ବାଧ୍ୟ କରିଥିଲା ମେଘାଳୟ ଯିବାକୁ । ଏହା ଏକ ପ୍ରାୟୋଜିତ ହତ୍ୟାକାଣ୍ଡ । ଯଦି ସୋନମ ସେ ହତ୍ୟାରେ ଲିପ୍ତ ତାହାଲେ ତାକୁ ମୃତ୍ୟୁଦଣ୍ଡ ଦିଆଯାଉ । ମୋ ପୁଅକୁ ନ୍ୟାୟ ମିଳୁ... ବୋଲି କାନ୍ଦି କାନ୍ଦି କହିଛନ୍ତି ମାଆ ।

Advertisment

ସେପଟେ ସୋନମଙ୍କ ଭାଇ ଗୋବିନ୍ଦ କହିଛନ୍ତି, ସୋନମ ରାତି ୧ଟା ୩୦ରେ ମତେ ଫୋନ କରିଥିଲା । ମୁଁ ତାକୁ ନିକଟସ୍ଥ ପୋଲିସ ପାଖରେ ଆତ୍ମସମର୍ପଣ କରିବାକୁ ପରାମର୍ଶ ଦେଇଥିଲି । ସେପଟେ ଆଜି ସୋନମର ପ୍ରେମିକ ରାଜ୍ ଖୁସଓ୍ଵାହର ମାଆ ମନ୍ଦିର ଯାଇ ମୁଣ୍ଡିଆ ମାରି ଇନ୍ଦୋର କ୍ରାଇମବ୍ରାଞ୍ଚ ଅଫିସ ଆଗରେ ପୁଅକୁ ଭେଟିବାକୁ ଆସିଥିବା ଦେଖିବାକୁ ମିଳିଛି ।