ନବନିଯୁକ୍ତ ମହାରାଷ୍ଟ୍ର ବିଧାନସଭା ସଦସ୍ୟଙ୍କ ମଧ୍ୟରୁ ୬୨%ଙ୍କ ନାଁରେ ଅପରାଧିକ ମାମଲା : ଏ଼ଡିଆର ରିପୋର୍ଟ
ନୂଆଦିଲ୍ଲୀ : ନବନିଯୁକ୍ତ ମହାରାଷ୍ଟ୍ର ବିଧାୟକମାନଙ୍କ ମଧ୍ୟରୁ ୬୨ ପ୍ରତିଶତଙ୍କ ନାଁରେ ଅପରାଧିକ ମାମଲା ରହିଛି ବୋଲି ଆସୋସିଏସନ ଫର ଡେମୋକ୍ରାଟିକ ରିଫର୍ମ (ଏଡିଆର) ପକ୍ଷରୁ କୁହାଯାଇଛି । ଏଡିଆର୍ ପକ୍ଷରୁ ଆମ ଦେଶରେ ହେଉଥିବା ବିଭିନ୍ନ ନିର୍ବାଚନ ଉପରେ ଅଧ୍ୟୟନ କରାଯାଇଥାଏ ।
Sambad is now on WhatsApp
Join and get latest news updates delivered to you via WhatsApp
ଏଡିଆର ପକ୍ଷରୁ ମହାରାଷ୍ଟ୍ରର ୨୮୮ ବିଧାୟକଙ୍କ ମଧ୍ୟରୁ ୨୮୫ ବିଧାୟକଙ୍କ ଦ୍ୱାରା ପ୍ରଦତ୍ତ ସତ୍ୟପାଠକୁ ଅଧ୍ୟୟନ କରି ଏହି ରିପୋର୍ଟ ପ୍ରସ୍ତୁତ କରାଯାଇଛି । ଅବଶିଷ୍ଟ ୩ ଜଣଙ୍କର ଆଫଡାଫିଟ୍ ବା ସତ୍ୟପାଠ ନିର୍ବାଚନ ଆୟୋଗଙ୍କ େଓ୍ଵବସାଇଟ୍ରେ ନଥିବାରୁ ସେମାନଙ୍କୁ ଏହି ରିପୋର୍ଟରେ ସାମିଲ କରାଯାଇନାହିଁ ।
ଏହି ରିପୋର୍ଟରେ କୁହାଯାଇଛି ଯେ ୨୮୫ ବିଧାୟକଙ୍କ ମଧ୍ୟରୁ ୬୨ ପ୍ରତିଶତ ଅର୍ଥାତ ୧୭୬ ଜଣଙ୍କ ନାଁରେ ଅପରାଧିକ ମାମଲା ରହିଛି । ଏମାନଙ୍କ ମଧ୍ୟରୁ ୪୦ ପ୍ରତିଶତ ଅର୍ଥାତ ୧୧୩ ଜଣଙ୍କ ନାଁରେ ଗୁରୁତର ଅପରାଧିକ ମାମଲା ରହିଛି ।
ଅନ୍ୟପକ୍ଷରେ ଏଡିଆର ରିପୋର୍ଟରେ ଜଣାଡିଛି ଯେ ଗତ ବିଧାନସଭାର ସଦସ୍ୟମାନଙ୍କ ମଧ୍ୟରୁ ଏଥର ନିର୍ବାଚନ ଜିଣିଥିବା ବିଧାୟକମାନଙ୍କ ମଧ୍ୟରେ କୋଟିପତିଙ୍କ ସଂଖ୍ୟା ଅଧିକ । ଗତ ବିଧାନସଭା ସଦସ୍ୟମାନଙ୍କ ମଧ୍ୟରୁ ୨୫୩ ଜଣ ବା ୮୮ ପ୍ରତିଶତ ମିଲିୟନେର ( ନିୟୁତପତି) ଥିବାବେଳେ ଏଥର ୨୬୪ ଜଣ ବା ୯୩ ପ୍ରତିଶତ ହେଉଛନ୍ତି ମିଲିୟନେର ( ନିୟୁତପତି) । ଏଥରର ସଦସ୍ୟମାନଙ୍କ ହାରାହାରି ସଂପତ୍ତି ପରିମାଣ ୨୨.୪୨ କୋଟି ଟଙ୍କା ରହିଛି, ଯାହାକି ଗତ ବିଧାନସଭା ସଦସ୍ୟଙ୍କ ହାରାହାରି ସଂପତ୍ତି ପରିମାଣ ୧୦.୮୭ କୋଟି ଟଙ୍କା ଥିଲା ।