ଆଡଭୋକେଟ ରାଜୀବ କୁମାର ଗିରଫ ମାମଲା: ରାଞ୍ଚିର ୩ଟି ସ୍ଥାନରେ କୋଲକାତା ପୁଲିସର ଚଢ଼ଉ
ରାଞ୍ଚି : ଆଡଭୋକେଟ ରାଜୀବ କୁମାରଙ୍କ ଗିରଫଦାରୀ ମାମଲାରେ ଗୁରୁବାର କୋଲକାତା ପୁଲିସ ରାଞ୍ଚିର ୩ଟି ସ୍ଥାନରେ ଚଢ଼ଉ କରିଛି। ଗତ ୩୧ ତାରିଖ ଦିନ କୋଲକାତାର ଜଣେ ବ୍ୟବସାୟୀଙ୍କଠାରୁ ୫୦ ଲକ୍ଷ ଟଙ୍କା ଗ୍ରହଣ କରୁଥିବାବେଳେ ରାଜୀବ କୁମାରଙ୍କୁ ଗିରଫ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଗତ ୨ ତାରିଖରେ କୋଲକାତା ପୁଲିସ ଝାଡଖଣ୍ଡର ରାଞ୍ଚିରେ ୩ଟି ସ୍ଥାନରେ ଚଢ଼ଉ କରିଥିଲା। ଏହି ଚଢ଼ଉବେଳେ ନଗଦ କାରବାରର ବିବରଣୀ ଥିବା କଳା ଡାଏରୀ ଠାବ ହୋଇଥିଲା। ଏଥିରେ ଟଙ୍କା ନେଣଦେଣର ସମସ୍ତ ତଥ୍ୟ ରହିଛି। ପୁନରୁଦ୍ଧାର ହୋଇଥିବା ଦଲିଲରୁ ଜଣାପଡିଛି ଯେ କୁମାର ରାଞ୍ଚିଠାରୁ ୩୦ କିଲୋମିଟର ଦୂରରେ ଅବସ୍ଥିତ ଏକ ଏକର ଫାର୍ମହାଉସ କିଣିଛନ୍ତି। ତିନି ମହଲା ଘର ବ୍ୟତୀତ ରାଞ୍ଚିରେ ୧୬ଟି ଫ୍ଲାଟ ଅଛି। ନୋଏଡାଠାରେ ଫ୍ଲାଟ ଏବଂ ଗ୍ରେଟର କୈଳାସରେ ଏକ କାର୍ଯ୍ୟାଳୟ ଅଛି।
ପୁଲିସ ସୂଚନାନୁସାରେ, କୁମାର କୋଲକାତାର ଜଣେ ବ୍ୟବସାୟୀଙ୍କ ବିରୋଧରେ ରାଞ୍ଚି ହାଇକୋର୍ଟରେ ପିଆଇଏଲ ଦାଖଲ କରିଥିଲେ। ଏହାକୁ ପ୍ରତ୍ୟାହାର କରିବା ପାଇଁ ସେ ୧୦ କୋଟି ଟଙ୍କା ଦାବି କରିଥିଲେ। ଏକାଧିକ ବୁଝାମଣା ପରେ ଏହି ପରିମାଣ ୧ କୋଟିକୁ ହ୍ରାସ କରାଯାଇଥିଲା। ଜୁଲାଇ ୩୧ ରାତିରେ ସେ ପ୍ରଥମ କିସ୍ତିରେ ୫୦ ଲକ୍ଷ ଟଙ୍କା ଗ୍ରହଣ କରୁଥିବାବେଳେ ତାଙ୍କୁ ଧରାଯାଇଥିଲା।