ପଢିବା ପାଇଁ ଜେଲ କର୍ମଚାରୀଙ୍କୁ ବହି ମାଗିଲା ଅଫ୍ତାବ, ମିଳିବ ଏହି ପୁସ୍ତକ
ନୂଆଦିଲ୍ଲୀ: ଶ୍ରଦ୍ଧା ହତ୍ୟା ମାମଲାରେ ଅଭିଯୁକ୍ତ ଅଫ୍ତାବ ପୁନାୱାଲା ତିହାର ପ୍ରଶାସନକୁ ଜେଲରେ ପଢିବା ପାଇଁ ବହି ମାଗିଛି । ଜେଲ ପ୍ରଶାସନ କହିଛି ଯେ ପୁନାୱାଲା ଇଂରାଜୀ ଉପନ୍ୟାସର ବହି ମାଗିଥିବାବେଳେ ତାଙ୍କୁ ଶୀଘ୍ର ଏକ ଇଂରାଜୀ ପୁସ୍ତକ ଦିଆଯିବ | ସୂତ୍ରରୁ ପ୍ରକାଶ ଯେ ଅଫ୍ତାବକୁ ପଢିବା ପାଇଁ ‘ଦି ଗ୍ରେଟ ରେଲୱେ ବଜାର’ ନାମକ ଏକ ଉପନ୍ୟାସ ଦିଆଯିବ। ଉଲ୍ଲେଖ ଥାଉ କି ଅଫ୍ତାବ ପୁନାୱାଲା ଲିଭ ଇନ ରିଲେସନସିପରେ ରହୁଥିବା ନିଜ ପ୍ରେମିକା ଶ୍ରଦ୍ଧାଙ୍କୁ ହତ୍ୟା କରି ତାଙ୍କ ଶରୀରକୁ ୩୫ ଖଣ୍ଡରେ କାଟିଦେଇଥିଲା |
Sambad is now on WhatsApp
Join and get latest news updates delivered to you via WhatsApp
ଏହାପରେ ଦକ୍ଷିଣ ଦିଲ୍ଲୀର ମେହେରୁଲି ବାସଭବନରେ ୩୦୦ ଲିଟର ଫ୍ରିଜରେ ରଖି ତିନି ସପ୍ତାହ ପର୍ଯ୍ୟନ୍ତ କଟା ଅଙ୍ଗକୁ ବିଭିନ୍ନ ସ୍ଥାନରେ ଫିଙ୍ଗିଥିବାର ଅଭିଯୋଗ ହୋଇଥିଲା | ପୁନାୱାଲାକୁ ୧୨ ନଭେମ୍ବରରେ ଗିରଫ କରାଯାଇ ପାଞ୍ଚ ଦିନ ପାଇଁ ପୁଲିସ ହେପାଜତକୁ ପଠାଯାଇଥିଲା। ୧୭ ନଭେମ୍ବରରେ ଏହା ଆଉ ପାଞ୍ଚ ଦିନ ପାଇଁ ବୃଦ୍ଧି କରାଯାଇଥିଲା |
ନଭେମ୍ବର ୨୬ ରେ କୋର୍ଟ ତାଙ୍କୁ ୧୩ ଦିନ ପାଇଁ ନ୍ୟାୟିକ ହେପାଜତକୁ ପଠାଇଥିଲେ। ଏହାପରେ ଅଫ୍ତାବର ନାର୍କୋ ଟେଷ୍ଟ୍ ସହ ପଲିଗ୍ରାଫ୍ ଟେଷ୍ଟ୍ ମଧ୍ୟ କରାଯାଇଥିଲା | ନାର୍କୋ ଟେଷ୍ଟ ପରେ ମଧ୍ୟ ଶୁକ୍ରବାର ଦିନ ଦୁଇ ଘଣ୍ଟା ପଚରାଉଚରା କରାଯାଇଥିଲା। ଫୋରେନସିକ୍ ସାଇନ୍ସ ଲାବୋରେଟୋରୀ (FASL) ର ଏକ ଚାରିଜଣିଆ ଟିମ୍ ଏବଂ ଅନୁସନ୍ଧାନକାରୀ ଅଧିକାରୀ ନାର୍କୋ ପରୀକ୍ଷା ପରେ ପୁନାୱାଲାଙ୍କୁ ପଚରାଉଚରା ପାଇଁ ତିହାର ଜେଲରେ ପହଞ୍ଚିଥିଲେ।