କଂଗ୍ରେସର ପରାଜୟ ପରେ ପ୍ରିୟଙ୍କାଙ୍କ ପ୍ରଥମ ୟୁପି ଗସ୍ତ
ଲକ୍ଷ୍ନୌ : କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଆସନ୍ତାକାଲିଠାରୁ ଦୁଇ ଦିନିଆ ଉତ୍ତରପ୍ରଦେଶ ଗସ୍ତରେ ଯିବେ। ଲୋକସଭା ନିର୍ବାଚନରେ କଂଗ୍ରେସର ପରାଜୟ ଓ ଆମେଥି ଆସନ ଖସିଯିବାପରେ କଂଗ୍ରେସକୁ ବଡ଼ ଝଟ୍କା ଲାଗିଛି। ପ୍ରିୟଙ୍କା ଏ ନେଇ କଂଗ୍ରେସ କର୍ମୀଙ୍କ ସହ ବିସ୍ତୃତ ଆଲୋଚନା କରିବାର ଯୋଜନା ରହିଛି। ଆସନ୍ତାକାଲି ପ୍ରିୟଙ୍କା ରାଏବରେଲିର ଫୁରସତଗଂଜରେ ପହଞ୍ଚି ସେଠାରେ ଭୁଏମାଉ ଗେଷ୍ଟ୍ ହାଉସ୍ରେ ରହିବେ। ଏହାପରେ ସେ ବୁଧବାର ଦିନ ଦଳୀୟ କର୍ମୀ ଏବଂ ନେତାମାନଙ୍କ ସହ ବୈଠକ କରିବେ।