ନିଜ ପୂର୍ବତନ ସହକର୍ମୀମାନଙ୍କୁ ଟାର୍ଗେଟ କରୁଛନ୍ତି କି କେଜ୍ରିଓ୍ବାଲ ? କୁମାର ବିଶ୍ବାସଙ୍କ ପରେ ଅଳକା ଲାମ୍ବାଙ୍କୁ ପୁଲିସ ନୋଟିସ
ନୂଆଦିଲ୍ଲୀ : ଆମ ଆଦମି ପାର୍ଟି (ଆପ) ପକ୍ଷରୁ ଏବେ ନିଜର ପୂର୍ବତନ ଦଳୀୟ ସଦସ୍ୟମାନଙ୍କୁ ଟାର୍ଗେଟ୍ କରାଯାଉଥିବା ଅଭିଯୋଗ ହେଉଛି । ଯେଉଁମାନେ ପୂର୍ବରୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ସମାଲୋଚନା କରିଥିଲେ, ସେମାନଙ୍କ ବିରୋଧରେ ପଞ୍ଜାବ ପୁଲିସକୁ ଲଗାଇ ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ପ୍ରଥମେ କୁମାର ବିଶ୍ବାସଙ୍କ ବିରୋଧରେ ପଞ୍ଜାବ ପୁଲିସ ପକ୍ଷରୁ କାରଣ ଦର୍ଶାଅ ନୋଟିସ ଜାରି କରାଯିବା ପରେ ଏବେ ଆଉଜଣେ ପୂର୍ବତନ ଆପ ନେତା ତଥା ଏବେ କଂଗ୍ରେସରେ ଥିବା ଅଳକା ଲାମ୍ବାଙ୍କ ପାଳି । ପଞ୍ଜାବ ପୁଲିସ ତାଙ୍କ ଘରେ ପହଞ୍ଚି ଏକ ନୋଟିସ କାନ୍ଥରେ ଲଗାଇଛି । ଆସନ୍ତା ୨୬ ତାରିଖ ସୁଦ୍ଧା ପଞ୍ଜାବର ରୂପନଗର ଥାନାରେ ହାଜର ହେବାକୁ ତାଙ୍କୁ ପୁଲିସ ପକ୍ଷରୁ ନିର୍ଦ୍ଦେଶ ଦିଆଯାଇଛି । ଏହାର ପ୍ରତିକ୍ରିୟା ରଖି ଅଳକା କହିଛନ୍ତି ଯେ ସେ ଏହି ଧମକକୁ ଡରନ୍ତି ନାହିଁ । ସେ ବଡ଼ ସଂଘିଙ୍କୁ ଡରିନଥିଲେ, ଛୋଟ ସଂଘିମାନଙ୍କୁ ବି ଡରନ୍ତି ନାହିଁ ।
ଗତ ଫେବ୍ରୁଆରି ମାସରେ ଅଳକା ଲାମ୍ବା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ସମାଲୋଚନା କରି କେତେକ ମନ୍ତବ୍ୟ ଦେଇଥିଲେ ।
ଏହା ପୂର୍ବରୁ କୁମାର ବିଶ୍ବାସଙ୍କ ବିରୋଧରେ ପଞ୍ଜାବରେ ଏକ ମାମଲା ରୁଜ୍ଜୁ କରାଯାଇଥିଲା । ସେ ପଂଜାବର ଶାନ୍ତି ଭଙ୍ଗ କରୁଥିବା ଅଭିଯୋଗ କରି ଏହି ମାମଲା ରୁଜ୍ଜୁ କରାଯାଇଛି । ଗତ ଫେବ୍ରୁଆରି ମାସରେ କୁମାର ବିଶ୍ବାସ ଅଭିଯୋଗ କରିଥିଲେ ଯେ ଖଲିସ୍ତାନୀମାନେ ଆପ ପଛରେ ଅଛନ୍ତି ।