ରାସ୍ତାରେ କୁକୁରକୁ ଏକା ବୁଲୁଥିବା ଦେଖି ଘରେ ଆଣି ରଖିଲେ, କିନ୍ତୁ ମାସକ ପରେ ପାଳୁଥିବା ଜୀବଟି ପ୍ରକୃତରେ କ’ଣ ତାହା ଜାଣି ଆଶ୍ଚର୍ଯ୍ୟ ହୋଇଗଲେ ଯୁବକ
ନୂଆଦିଲ୍ଲୀ: ବେଜିଙ୍ଗରେ ଘଟିଥିବା ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଜଣେ ଯୁବକ ଯାହାକୁ ମାସେ ପର୍ଯ୍ୟନ୍ତ କୁକୁର ବୋଲି ଭାବି ତାହାର ଲାଳନ ପାଳନ କରୁଥିଲେ ତାହା ପ୍ରକୃତରେ କ’ଣ ବୋଲି ଜାଣି ସେ ଆଶ୍ଚର୍ଯ୍ୟ ହୋଇ ଯାଇଥିବା ବେଳେ ଏହି ଖବରଟି ସମସ୍ତଙ୍କ ମନରେ କୌତୁହଳ ସୃଷ୍ଟି କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚଚା ମୁତାବକ, ଯୁବକ ଜଣଙ୍କ ନିଜ ସାଙ୍ଗ ଘରକୁ ବୁଲି ଯାଇଥିବା ବେଳେ ଘର ବାହାରେ ଏକ ଛୋଟ କୁକୁରକୁ ବୁଲୁଥିବାର ଦେଖିଥିଲେ । ନ ଖାଇ ନ ପିଇ କୁୁକୁରକୁ ବୁଲୁଥିବାର ଦେଖି ଯୁବକ ଜଣଙ୍କ ତାକୁ ନିଜ ଘରକୁ ନେଇ ଆସିଥିଲେ । ମାସେ ପର୍ଯ୍ୟନ୍ତ ତାଙ୍କୁ ଠିିକ୍ ଭାବରେ ଖାଇବାକୁ ଦେଇ ତାହାର ଯତ୍ନ ନେଇଥିଲେ । ମାସକ ମଧ୍ୟରେ ସେ ଆଣିଥିବା କୁକୁରଟି ବଢ଼ିବାକୁ ଲାଗିଥିଲା । କିନ୍ତୁ ସେ ଆଣିଥିବା କୁକୁରଟି କୁକୁର ଭାବରେ ବଢ଼ି ନଥିଲା । ତା’ ଶରୀରର ବିକାଶ ଦେଖି ଯୁବକଙ୍କୁ ସନ୍ଦେହ ହେବାରୁ ସେ ଉକ୍ତ ଜୀବର ଫଟୋ ସୋସିଆଲ ମିଡ଼ିଆରେ ଛାଡ଼ି ଜୀବଟିର ନାଁ କ’ଣ ବୋଲି ପଚାରିଥିଲେ ।
ଫଟୋ ଛାଡ଼ିବାର କିଛି ସମୟ ପରେ ତାଙ୍କୁ ତାଙ୍କ ପ୍ରଶ୍ନର ଉତ୍ତର ମିଳି ଯାଇଥିଲା । ଅସଲରେ ସେ ଯାହାକୁ କୁକୁର ବୋଲି ଭାବୁଥିଲେ ତାହା ପ୍ରକୃତରେ ବାଉଁଶ ମୂଷା (ବାମ୍ବୋ ର୍ୟାଟ୍) ଥିଲା । ଏହି ପ୍ରକାର ପ୍ରଜାତିର ମୂଷା ବିଶେଷ କରି ଚୀନ୍ରେ ଦେଖା ଯାଉଥିବା ବେଳେ ଏମାନେ ବଞ୍ଚିବା ପାଇଁ ବାଉଁଶ ଖାଇଥାନ୍ତି । ସବୁ ସତ ସାମ୍ନାକୁ ଆସିବା ପରେ ଯୁବକ ଜଣଙ୍କ ଏବେ ଏହି ମୂଷାକୁ ବିକ୍ରି କରିବାର ଯୋଜନା କରୁଥିବା ଜଣା ପଡ଼ିଛି ।