ମୋଦୀଙ୍କୁ ଉଦ୍ଧବଙ୍କ ଫୋନ ପରେ ମହାରାଷ୍ଟ୍ର ବିଧାନ ପରିଷଦ ନିର୍ବାଚନ ପାଇଁ ସୁପାରିଶ କଲେ ରାଜ୍ୟପାଳ
ମୁମ୍ବାଇ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଫୋନ ପରେ ରାଜ୍ୟପାଳ ଭଗତ ସିଂ କୋସିୟାରୀଙ୍କ ଚେତା ପସିଛି । ଆଜି ସେ ବିଧାନ ପରିଷଦରେ ଖାଲିଥିବା ୯ଟି ଆସନ ନିମନ୍ତେ ନିର୍ବାଚନ ପାଇଁ ନିର୍ବାଚନ ଆୟୋଗଙ୍କୁ ଅନୁରୋଧ କରିଛନ୍ତି । ଏହି ନିର୍ବାଚନ ଗତ ମାର୍ଚ୍ଚ ୨୮ରେ ହେବାର ଥିଲା । କିନ୍ତୁ ଲକଡାଉନ ଘୋଷଣା ପରେ ଏହାକୁ ବାତିଲ କରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଗତକାଲି ମୋଦୀଙ୍କୁ ଫୋନ କରି ଉଦ୍ଧବ କହିଥିଲେ ଯେ ରାଜ୍ୟ ବିପଦରେ ପଡ଼ିଥିବାବେଳେ ତାଙ୍କ ସରକାରକୁ ଅସ୍ଥିର କରିବାକୁ ଉଦ୍ୟମ ଚାଲିଛି । ଏଣୁ ସ୍ଥିତିରେ ହସ୍ତକ୍ଷେପ କରିବାକୁ ସେ ମୋଦୀଙ୍କୁ ଅନୁରୋଧ କରିଥିଲେ ।
ଉଦ୍ଧବ ଗତ ନଭେମ୍ବର ୨୮ରେ ମୁଖ୍ୟମନ୍ତ୍ରୀଭାବେ ଶପଥ ନେଇଥିଲେ । ସେ ଏବେ ବିଧାୟକ ନଥିବାରୁ ସେ ୬ ମାସ ମଧ୍ୟରେ ବିଧାନସଭା କିମ୍ବା ବିଧାନପରିଷଦର ସଦସ୍ୟ ହେବା ଆବଶ୍ୟକ । ତାଙ୍କର ଏହି ୬ ମାସ ସମୟ ମେ ଶେଷ ସୁଦ୍ଧା ସମାପ୍ତ ହେଉଛି । ତେବେ ବିଧାନ ପରିଷଦର ସଦସ୍ୟ ହେବା ପାଇଁ ତାଙ୍କୁ ରାଜ୍ୟପାଳ ମନୋନୀତ କରିବା ଆବଶ୍ୟକ । କିନ୍ତୁ ରାଜ୍ୟପାଳ ଏହା କରୁନଥିବାରୁ ଅନିଶ୍ଚିତତା ଲାଗିରହିଛି ।