ଅହମଦାବାଦ: ଏୟାର୍ ଇଣ୍ଡିଆ ବିମାନ ଏଆଇ ୧୭୧ ଦୁର୍ଘଟଣାଗ୍ରସ୍ତ ହେବା ଘଟଣାରେ ସର୍ଦ୍ଦାର ବଲ୍ଲଭଭାଇ ପଟେଲ ଅନ୍ତର୍ଜାତୀୟ ବିମାନବନ୍ଦରର ଗ୍ରାଉଣ୍ଡ ହ୍ୟାଣ୍ଡଲିଂ ଏଜେନ୍ସିଗୁଡିକୁ ଏକାଧିକ ତଦନ୍ତକାରୀ ଏଜେନ୍ସି ଯାଞ୍ଚ କରୁଛନ୍ତି। ଗୁଜରାଟ ପୁଲିସ, ଏୟାର୍‌ପୋର୍ଟ ଅଥରିଟି ଅଫ୍ ଇଣ୍ଡିଆ (ଏଏଆଇ) ଏବଂ ବେସାମରିକ ବିମାନ ଚଳାଚଳ ମହାନିର୍ଦ୍ଦେଶାଳୟ (ଡିଜିସିଏ)ର ସହାୟତାରେ ଏୟାର୍‌କ୍ରାଫ୍ଟ ଆକ୍ସିଡେଣ୍ଟ ଇନ୍‌ଭେଷ୍ଟିଗେସନ ବ୍ୟୁରୋ (ଏଏଆଇବି) ନେତୃତ୍ୱରେ ଏହି ତଦନ୍ତ ଚାଲିଛି। ଅହମଦାବାଦରେ ଦୁର୍ଘଟଣାସ୍ଥଳକୁ ଅନ୍ତର୍ଜାତୀୟ ବିମାନ ଚଳାଚଳ ବିଶେଷଜ୍ଞଙ୍କୁ ଆଣି ଆମେରିକାର ନ୍ୟାସନାଲ ଟ୍ରାନ୍ସପୋର୍ଟ ସେଫ୍ଟି ବୋର୍ଡ (ଏନ୍‌ଟିଏସବି) ପକ୍ଷରୁ ସମାନ୍ତରାଳ ତଦନ୍ତ ଆରମ୍ଭ କରାଯାଇଛି। ଦୁର୍ଘଟଣାଗ୍ରସ୍ତ ବିମାନର ଗ୍ରାଉଣ୍ଡ ହ୍ୟାଣ୍ଡଲିଂ ଅପରେସନରେ ନିୟୋଜିତ ସମସ୍ତ କର୍ମଚାରୀଙ୍କୁ ପଚରାଉଚରା କରାଯିବା ସହ ସେମାନଙ୍କ ବୟାନ ରେକର୍ଡ କରାଯାଇଛି। ବିମାନ ଉଡ଼ାଣ ପାଇଁ ପାସ୍ କରିଥିବା ପ୍ରମୁଖ କର୍ମଚାରୀଙ୍କ ଫୋନ୍‌କୁ ଅଧିକ ଯାଞ୍ଚ ପାଇଁ ଜବତ କରାଯାଇଛି। ଦୁର୍ଘଟଣାର କାରଣ ଜାଣିବା ପାଇଁ ବ୍ୟାପକ ମଲ୍ଟି ଏଜେନ୍ସି ତଦନ୍ତ ଚାଲିଛି। ତଦନ୍ତକାରୀମାନେ ବିମାନବନ୍ଦର ପରିସରରୁ ସିସିଟିଭି ଫୁଟେଜ୍ ହାସଲ କରିଛନ୍ତି ଏବଂ ଷଡ଼୍‌ଯନ୍ତ୍ର ସମ୍ଭାବନାକୁ ଏଡ଼ାଇ ଦେଇନାହାନ୍ତି। 

Advertisment

ଜୁନ୍ ୧୨ ତାରିଖରେ ଏୟାର୍ ଇଣ୍ଡିଆ ବିମାନ ଏଆଇ ୧୭୧, ବୋଇଂ ୭୮୭-୮ ଡ୍ରିମ୍‌ଲାଇନର୍‌ ଉଡ଼ାଣ ଭରିବାର କିଛି ସମୟ ପରେ ଦୁର୍ଘଟଣାଗ୍ରସ୍ତ ହୋଇଥିଲା। ଏହାପରେ ତଦନ୍ତକାରୀ ଟିମ୍ ଡିଜିଟାଲ ଫ୍ଲାଇଟ୍ ଡାଟା ରେକର୍ଡର (ଡିଏଫ୍‌ଡିଆର୍) ଓ କକ୍‌ପିଟ୍ ଭଏସ୍ ରେକର୍ଡର (ସିଭିଆର୍) ଜବତ କରିଛି। ଏଗୁଡ଼ିକ ହେଉଛି ଗୁରୁତ୍ୱପୂର୍ଣ୍ଣ ପ୍ରମାଣ, ଯାହା ଏଆଇ ୧୭୧ ଦୁର୍ଘଟଣାର କାରଣ ଚିହ୍ନଟ କରିବାରେ ସାହାଯ୍ୟ କରିବ। ସିଭିଆର୍ କକ୍‌ପିଟ୍ ଶବ୍ଦ ରେକର୍ଡ କରେ, ଯେଉଁଥିରେ ପାଇଲଟ୍‌ଙ୍କ ବାର୍ତ୍ତାଳାପ, ଆଲାର୍ମ ଏବଂ ଇଞ୍ଜିନ ଓ ସୁଇଚ କ୍ଲିକ୍ ଶବ୍ଦ ଅନ୍ତର୍ଭୁକ୍ତ। 

ଅପରପକ୍ଷରେ, ଡିଏଫ୍‌ଡିଆର୍‌, ଘଣ୍ଟାଘଣ୍ଟା ଉଡ଼ାଣର ପାରାମିଟର ଯଥା ବେଗ, ଉଚ୍ଚତା, ଥ୍ରଷ୍ଟ, ଫ୍ଲାପ୍ ସ୍ଥିତି, ଅଟୋପାଇଲଟ୍ ଇନ୍‌ପୁଟ୍, ଏକ୍ସିଲିରେସନ୍, ଲିଫ୍ଟ ଓ ଲ୍ୟାଣ୍ଡିଂ ଗିଅର୍ ମୁଭମେଣ୍ଟକୁ ଲଗ୍ କରିଥାଏ। ଅଧିକାରୀଙ୍କ କହିବା ଅନୁଯାୟୀ, ବିମାନଟି ଏସ୍‌ଭିପିଆଇ ବିମାନବନ୍ଦରରେ ଏୟାର୍ ଟ୍ରାଫିକ୍ କଣ୍ଟ୍ରୋଲ୍ (ଏଟିସି) ସହ ଯୋଗାଯୋଗ ବିଚ୍ଛିନ୍ନ ହେବାର କିଛି ସମୟ ପୂର୍ବରୁ ପାଇଲଟ୍ ମେ-ଡେ କଲ୍ କରିଥିଲେ। ବୋଇଂ, ୟୁଏସ୍ ଫେଡେରାଲ ଏଭିଏସନ୍ ଆଡ୍‌ମିନିଷ୍ଟ୍ରେସନ୍ (ଏଫ୍ଏଏ), ଏନ୍‌ଟିଏସ୍‌ବି ଓ ବ୍ରିଟେନ୍ ସ୍ଥିତ ବିମାନ ଚଳାଚଳ ବିଶେଷଜ୍ଞମାନେ ଏବେ ଅହମଦାବାଦରେ ଅଛନ୍ତି। ଅନ୍ତର୍ଜାତୀୟ ପ୍ରୋଟୋକଲ ଅନୁଯାୟୀ, ଏନ୍‌ଟିଏସ୍‌ବି ବିମାନର ଆମେରିକୀୟ ଉତ୍ପତ୍ତି କାରଣରୁ ସ୍ୱାଧୀନ ଭାବରେ ଦୁର୍ଘଟଣାର ତଦନ୍ତ କରୁଛି। କେନ୍ଦ୍ରମନ୍ତ୍ରୀ ମୁରଲୀଧର ମୋହୋଲ ମଙ୍ଗଳବାର ନିଶ୍ଚିତ କରିଛନ୍ତି ଯେ କେନ୍ଦ୍ର ସରକାରଙ୍କ ଦ୍ୱାରା ନିଯୁକ୍ତ ତଦନ୍ତ କମିଟିର ରିପୋର୍ଟ ତିନି ମାସ ମଧ୍ୟରେ ଦାଖଲ କରାଯିବ।

ଏୟାର ଇଣ୍ଡିଆ ବିମାନ ଦୁର୍ଘଟଣା 
ହସ୍ପିଟାଲରୁ ଡିସ୍‌ଚାର୍ଜ ହେଲେ ବିଶ୍ବାସ ରମେଶ
ନୂଆଦିଲ୍ଲୀ: ଅହମଦାବାଦ ଏୟାର ଇଣ୍ଡିଆ ବିମାନ ଦୁର୍ଘଟଣାରୁ ବଞ୍ଚି ଯାଇଥିବା ଏକମାତ୍ର ଯାତ୍ରୀ ବିଶ୍ବାସ କୁମାର ରମେଶ ସୁସ୍ଥ ହୋଇଛନ୍ତି। ଅହମଦାବାଦର ସିଭିଲ ହସ୍ପିଟାଲରୁ ବିଶ୍ବାସ କୁମାର ର‌ମେଶଙ୍କୁ ମଙ୍ଗଳବାର ବିଳମ୍ବିତ ରାତିରେ ଡିସ୍‌ଚାର୍ଜ କରାଯାଇଛି।  ମେଡିକାଲ ସୁପରିନଟେଣ୍ଡେଣ୍ଟ୍‌ ଡାକ୍ତର ର‌ାମେଶ ଯୋଶୀ ଏହା ସ୍ପଷ୍ଟ କରିଛନ୍ତି।  ଇତିମଧ୍ୟରେ ବିମାନର ସିଟ୍‌ ୧୧-ଜେରେ ବସିଥିବା ବିଶ୍ବାସଙ୍କ ସାନ ଭାଇ ଅଜୟ କୁମାର ରମେଶଙ୍କ ମର ଶରୀରକୁ ଚିହ୍ନଟ କରାଯାଇଛି। ଅଜୟଙ୍କ ମର ଶରୀର ମଧ୍ୟ ବିଶ୍ବାସ ହସ୍ପିଟାଲରୁ ଡିସଚାର୍ଜ ହେବାର କିଛି ଘଣ୍ଟା ପରେ ତାଙ୍କ ପରିବାର ସଦସ୍ୟଙ୍କୁ ହସ୍ତାନ୍ତର କରାଯାଇଛି। ବିଶ୍ବାସ ନିଜ ସାନ ଭାଇଙ୍କ ମର ଶରୀର ସହ ନିଜ ପରିବାର ସଦସ୍ୟ ରହୁଥିବା ଡିୟୁକୁ ଯାତ୍ରା କରିଛନ୍ତି।  ବିଶ୍ବାସ ଆଜି ତାଙ୍କ   ଭାଇ ଅଜୟ କୁମାରଙ୍କ ଅନ୍ତିମ ସଂସ୍କାର କାର୍ଯ୍ୟ କରିଛନ୍ତି।