ଦଳର ସଦସ୍ୟ ସଂଖ୍ୟା ବଢ଼ାଇବା ପାଇଁ ଭୋପାଳରେ ବିରିୟାନୀ ବାଣ୍ଟିଲା ‘ଏଆଇଏମ୍ଆଇଏମ୍’
ଭୋପାଳ: ମଧ୍ୟପ୍ରଦେଶର ଭୋପାଳରେ ଦଳର ସଦସ୍ୟ ସଂଖ୍ୟା ବୃଦ୍ଧି କରିବା ଲାଗି ‘ଅଲ୍ ଇଣ୍ଡିଆ ମଜ୍ଲିସ୍-ଏ-ଇତ୍ତେହାଦୁଲ୍ ମୁସ୍ଲିମୀନ୍’ର (ଏଆଇଏମ୍ଆଇଏମ୍) ଜଣେ ନେତା ନରେଲା ବିଧାନସଭା ନିର୍ବାଚନ ମଣ୍ଡଳୀରେ ନବାଗତ ସଦସ୍ୟମାନଙ୍କ ମଧ୍ୟରେ ବିରିୟାନୀ ଓ ଜଳଖିଆ ବଣ୍ଟନ କରିଥିବା କୁହାଯାଉଛି।
Sambad is now on WhatsApp
Join and get latest news updates delivered to you via WhatsApp
ନିକଟ ଅତୀତରେ ରାଜ୍ୟରେ ଅନୁଷ୍ଠିତ ପୌର ନିର୍ବାଚନରେ ପ୍ରଥମ ଥର ପାଇଁ ପ୍ରତିଦ୍ବନ୍ଦ୍ବିତା କରି ‘ଏଆଇଏମ୍ଆଇଏମ୍’ ୭ଟି କର୍ପୋରେଟର୍ ଆସନ ହାସଲ କରିବା ପରେ ଅସଦୁଦ୍ଦିନ୍ ଅୱେସୀଙ୍କ ନେତୃତ୍ବାଧୀନ ଦଳ ଗତ ସୋମବାର ଦିନ ବିରିୟାନୀ ଓ ଜଳଖିଆ ବଣ୍ଟନ କରିଥିଲା।
ସମ୍ବାଦ ସରବରାହ ସଂସ୍ଥାନ ‘ପିଟିଆଇ’କୁ ‘ଏଆଇଏମ୍ଆଇଏମ୍’ ନେତା ପୀର୍ଜାଦା ତୌକୀର୍ ନିଜାମି କହିଛନ୍ତି, ‘ବିଜେପି’ ହେଉ ଅବା ‘କଂଗ୍ରେସ’ ହେଉ, ନିଜ ନିଜ ଦଳରେ ଉପଯୁକ୍ତ ସମ୍ମାନ ପାଉ ନ ଥିବା ବ୍ୟକ୍ତିଙ୍କୁ ଆମେ ସ୍ବାଗତ କରୁଛୁ। ଦଳରେ ଯୋଗ ଦେବା ପାଇଁ ସେମାନେ ଆମ କାର୍ଯ୍ୟାଳୟକୁ ଆସିଲେ ସମ୍ମାନ ଜଣାଇବାକୁ ଆମ ଘରକୁ ଅତିଥି ଆସିବା ଭଳି ଆମେ ବରିୟାନୀ ଅଥବା ଶିଙ୍ଗଡ଼ା ଓ ଚା ଆଦି ଜଳଖିଆ ଦେଉଛୁ।
‘ଏଆଇଏମ୍ଆଇଏମ୍’ର କେତେକ ନେତା କହିଛନ୍ତି ଯେ, ମଧ୍ୟପ୍ରଦେଶରେ ଏବେ ଦଳର ୧ ଲକ୍ଷରୁ ଅଧିକ ସଦସ୍ୟ ଅଛନ୍ତି। ନରେଲା ଆସନର ପ୍ରତିଦ୍ବନ୍ଦ୍ବୀ ପୀର୍ଜାଦା କହିଛନ୍ତି ଯେ, ଠିକ୍ ସ୍ଥାନକୁ ଆସିଛନ୍ତି ଜନସାଧାରଣଙ୍କର ଧାରଣା ହେବା ଉଚିତ। ତେଣୁ, ମୁଁ ସେମାନଙ୍କ ସମସ୍ୟା କଥା ଶୁଣେ ଓ ସମାଧାନ କରିବା ଲାଗି ପ୍ରୟାସ କରେ।
ନରେଲାରେ ଆହୁରି ୨୫ ହଜାର ସଦସ୍ୟ ଦଳରେ ଯୋଗ ଦେଇଥିବା କଥା ସେ କହିଛନ୍ତି।