ଏୟାର ଇଣ୍ଡିଆର ନିଷ୍ପତ୍ତି: ହିନ୍ଦୁ, ଶିଖଯାତ୍ରୀଙ୍କୁ ହଲାଲ୍ ଖାଦ୍ୟ ଦିଆଯିବ ନାହିଁ

ମୁମ୍ବାଇ: ଖାଦ୍ୟ ବିବାଦକୁ ନେଇ ଏକ ବଡ଼ ନିଷ୍ପତ୍ତି ନେଇଛି ଏୟାର ଇଣ୍ଡିଆ । ଏହି ବିମାନ ସେବା କମ୍ପାନି ଘୋଷଣା କରିଛି ଯେ ବିମାନ ଯାତ୍ରା ସମୟରେ ହିନ୍ଦୁ ଓ ଶିଖମାନଙ୍କୁ ଆଉ 'ହଲାଲ' ପ୍ରମାଣିତ ଭୋଜନ ଦିଆଯିବ ନାହିଁ। ସେହିପରି ହଲାଲ୍ ପ୍ରମାଣିତ ଖାଦ୍ୟକୁ ସ୍ପେଶାଲ ମିଲ୍ ବୋଲି କୁହାଯିବ ।

ଟାଟା ଗ୍ରୁପ୍ ମାଲିକାନାରେ ଥିବା ଏହି କମ୍ପାନି ପକ୍ଷରୁ କୁହାଯାଇଛି ଯେ ହଲାଲ୍ ପ୍ରମାଣପତ୍ର ପ୍ରାପ୍ତ ଖାଦ୍ୟକୁ ଏବେ 'ମୁସଲିମ୍ ଖାଦ୍ୟ' ପରିବର୍ତ୍ତେ 'ସ୍ପେଶାଲ୍ ମିଲ୍' ବୋଲି କୁହାଯିବ। 'ସ୍ପେଶାଲ ମିଲ୍' ଶବ୍ଦର ଅର୍ଥ ଏବେ ହଲାଲ ସାର୍ଟିଫାଏଡ୍ ଖାଦ୍ୟ। କିଛି ଦିନ ତଳେ ଏହି ଖାଦ୍ୟର ନାମ 'ମୁସଲିମ ଭୋଜନ' ବୋଲି କୁହାଯାଉଥିବାରୁ ବିବାଦ ଦେଖାଦେଇଥିଲା।

ଏୟାରଲାଇନ୍ସ ଅନୁଯାୟୀ, ଏମଓଏମଏଲ (ମୁସଲିମ ମିଲ୍) ଷ୍ଟିକର ସହିତ ପ୍ରି-ବୁକିଂ ହୋଇଥିବା ଖାଦ୍ୟକୁ ଏବେ ସ୍ପେଶାଲ ମିଲ୍ସ ବୋଲି କୁହାଯିବ। ହଲାଲ ସାର୍ଟିଫିକେଟ୍ କେବଳ ଅପଲିପ୍ଟ ହୋଇଥିବା ଏମଓଏମଏଲ ଖାଦ୍ୟ ପାଇଁ ଦିଆଯିବ। ସାଉଦି ସେକ୍ଟରରେ ସମସ୍ତ ଖାଦ୍ୟ ହଲାଲ ହେବ, ଯେଉଁଥିରେ ହଜ୍ ବିମାନ ସମେତ ଜେଦ୍ଦା, ଦମ୍ମାମ, ରିୟାଦ ଏବଂ ମଦିନା ସେକ୍ଟର ଅନ୍ତର୍ଭୁକ୍ତ ।