ବେସାମରିକ ମନ୍ତ୍ରୀ ହରଦୀପ ସିଂହ ପୁରୀଙ୍କୁ ଚିଠି ଲେଖି ବକେୟା ଦରମା ଦାବି କଲା ଆଇସିପିଏ
ନୂଆଦିଲ୍ଲୀ: ଏୟାର ଇଣ୍ଡିଆର ପାଇଲଟ୍ ଓ କମାଣ୍ଡରମାନଙ୍କର ବାକି ଥିବା ଦରମା ଦାବି କରି ଇଣ୍ଡିଆନ୍ କମର୍ସିଆଲ୍ ପାଇଲଟସ ଆସୋସିଏସନ(ଆଇସିପିଏ) ପକ୍ଷରୁ ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂହ ପୁରୀଙ୍କୁ ଏକ ପତ୍ର ଲେଖାଯାଇଛି। ଗତ ଦୁଇ/ତିନି ବର୍ଷ ହେଲା ସେମାନଙ୍କୁ ଉଡାଣ ଭତ୍ତା ଓ ଦରମା ଠିକ ସମୟରେ ଦିଆଯାଉନାହିଁ। ବାକି ଥିବା ଦରମା ଓ ଅନ୍ୟାନ୍ୟ ଭତ୍ତା ପୈଠ କରିବା ପାଇଁ ଆଇସିପିଏ ଚିଠି ଲେଖି ମନ୍ତ୍ରୀଙ୍କୁ ଅନୁରୋଧ କରିଛି।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟରୁ ଜାଣିବାକୁ ମିଳିଛି ଯେ ପୂବର୍ରୁ ପୁରୀ କହିଥିଲେ କି ‘ଏୟାର୍ ଇଣ୍ଡିଆର ପାଇଲଟ୍ମାନଙ୍କୁ ଉତ୍ତମ ଦରମା ଦିଆଯାଉଛି।’ ଏହାର ଉତ୍ତରରେ ପାଇଲଟ୍ ଆସୋସିଏସନ ପକ୍ଷରୁ କୁହାଯାଇଛି କି ଏବେ ସେମାନଙ୍କୁ କେବଳ ସେମାନଙ୍କ ଦରମାର ୫୦ ଭାଗ ଅର୍ଥ ପ୍ରଦାନ କରାଯାଉଛି।
Indian Commercial Pilots Association (ICPA) has written to Civil Aviation Minister Hardeep Singh Puri, asking him to clear pending dues of pilots and commanders of Air India who they claim have not been paid flying allowances and salaries on time in the recent 2-3 years
— ANI (@ANI) December 24, 2019
ଆଇସିପିଏ ଦେଇଥିବା ପତ୍ରରେ ଉଲ୍ଳେଖ କରଯାଇଛି ଯେ ଏୟାର୍ ଇଣ୍ଡିଆର ୬୫ ଜଣ ପାଇଲଟ୍ ତାଙ୍କର ଇସ୍ତଫା ଦେଇ ସାରିଛନ୍ତି। ମାତ୍ର ମନ୍ତ୍ରୀ ପୁରୀ ଏହାକୁ ଅସ୍ବୀକାର କରି କହିଛନ୍ତି କି କେହି ହେଲେ ଏଯାବତ୍ ଇସ୍ତଫା ଦେଇନାହାନ୍ତି।