ମାଲୱିର ଉପ ରାଷ୍ଟ୍ରପତିଙ୍କୁ ନେଇ ଯାଉଥିବା ବିମାନ ନିଖୋଜ

ନୂଆଦିଲ୍ଲୀ: ଦକ୍ଷିଣ ପୂର୍ବ ଆଫ୍ରିକାର ମାଲୱିର ଉପ ରାଷ୍ଟ୍ରପତିଙ୍କୁ ନେଇ ଯାଉଥିବା ଏକ ବିମାନ ନିଖୋଜ ହୋଇଯାଇଛି । ଉପ ରାଷ୍ଟ୍ରପତି ସୋଲସ କ୍ଲାସ ଚିଲିମାଙ୍କୁ ନେଇ ଯାଉଥିବା ବିମାନଟି ନିଖୋଜ ହୋଇଯାଇଥିବା ସୂଚନା ରହିଛି। ମାଲୱି ରଷ୍ଟ୍ରପତିଙ୍କ କାର୍ଯ୍ୟାଳୟର ସୂଚନା ଅନୁସାରେ ରାଜଧାନୀ ଉପ ରାଷ୍ଟ୍ରପତି ଲିଲଙ୍ଗୱେରୁ ମାଲବୀ ସେନାର ବିମାନରେ ଅନ୍ୟ ୯ ଜଣ ପ୍ରତିନିଧି ମଣ୍ଡଳି ସହ ମଜୁଜୁକୁ ଯାତ୍ରା ଆରମ୍ଭ କରିଥିଲେ । ରାଜଧାନୀରୁ ଉଡାଣର କିଛି ସମୟ ପରେ ବିମାନ ସହ ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା । ବିମାନର  ନିଖୋଜ ହୋଇଯିବାରୁ ଏବେ ଖୋଜାଖୋଜି ଜାରି ରହିଛି।

ଏହି ଘଟଣାରେ ରାଷ୍ଟ୍ରପତି ଲାଜରସ୍‌ ଚକୌରା କହିଛନ୍ତି, ‘‘ମୁଁ ଜାଣେ ଯେ ଏହା ଏକ ହୃଦୟ ବିଦାରକ ପରିସ୍ଥିତି। କିନ୍ତୁ ମୁଁ ଆପଣଙ୍କୁ ନିଶ୍ଚିତ କରିବାକୁ ଚାହୁଁଛି ଯେ ମୁଁ ସେହି ବିମାନ ଖୋଜିବା ପାଇଁ ସବୁ ପ୍ରକାରର ଚେଷ୍ଟା ଆରମ୍ଭ ମରିଛି। ବଞ୍ଚିଥିବା ଲୋକମାନଙ୍କୁ ପାଇବା ଆଶାରେ ‌ଖୋଜିବା କାମ ତ୍ବରାନ୍ବିତ କରାଯାଇଛି।’’