ଗତକାଲି ହୋଇଥିବା ଏୟାରଷ୍ଟ୍ରାଇକ୍ରେ ୪୭ଜଣ ଆତଙ୍କବାଦୀ ନିହତ
ଜବୁଲ୍: ଆଫଗାନିସ୍ତାନର ଜବୁଲ ପ୍ରଦେଶରେ ଗତ ମଙ୍ଗଳବାର ଆଫଗାନୀ ସେନାର ଏୟାରଷ୍ଟ୍ରାଇକ୍ କରିଥିଲା। ଏହି ଏୟାରଷ୍ଟ୍ରାଇକ୍ରେ ଗତକାଲି ଅତି କମ୍ରେ ୪୭ ଜଣ ଆତଙ୍କବାଦୀ ନିହତ ହୋଇଥିବା ଜଣାପଡ଼ିଛି। ଏଥିସହିତ ଏହି ଆଫଗାନୀ ସେନା ଏୟାରଷ୍ଟ୍ରାଇକ୍ କରି ୧୫ଜଣ ଆତଙ୍କବାଦୀଙ୍କୁ ଆହତ ବି କରିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଆଫଗାନୀ ସେନାର ଜଣେ ମୁଖପାତ୍ରଙ୍କ କହିବାନୁସାରେ, ବିଦେଶ ସେନା ତାଲିବାନ ଆତଙ୍କବାଦୀ ଶିଙ୍କ୍ ଏବଂ ନାଓବାହାର ଜିଲ୍ଲାରେ ଆତଙ୍କବାଦୀଙ୍କ ଶିବିରକୁ ଲକ୍ଷ୍ୟ କରି ଏହି ଏୟାରଷ୍ଟ୍ରାଇକ୍ କରିଥିଲେ। ଏଥିରେ ଜିଲ୍ଲା ଗଭର୍ଣ୍ଣରଙ୍କର ବି ମୃତ୍ୟୁ ହୋଇଥିବା ଜଣାପଡ଼ିଛି। ଏହି ଆକ୍ରମଣ ବ୍ୟତୀତ ଅର୍ଘଣାବାଦ୍ ଏବଂ ଶାହ ୱାଲି ଜିଲ୍ଲାରେ ବି ଆଫଗାନୀ ସେନା ଆକ୍ରମଣ କରିଥିଲେ। ଏହି ଆକ୍ରମଣରେ ସେଠାକର ୧୦ଟି ଖଣି ନଷ୍ଟ ହୋଇଯାଇଛି।
ଉରୁଜଗାନ୍ ପ୍ରଦେଶର ଗିଜାବ ଜିଲ୍ଲାରେ ମଧ୍ୟ ତାଲିବାନ୍ର ଲଞ୍ଚପ୍ୟାଡ୍କୁ ଧ୍ୱଂସ କରାଯିବା ସହିତ ଆତଙ୍କବାଦୀଙ୍କ ଉପରେ ଆଫଗାନୀ ସେନା ଆକ୍ରମଣ କରିଥିଲେ। ଏଥିରେ ୧୧ଜଣ ଆତଙ୍କବାଦୀ ନିହତ ହୋଇଥିଲେ।