ନିର୍ବନ୍ଧ କଲେ ମୁକେଶ ଅମ୍ବାନୀଙ୍କ ପୁଅ ଆକାଶ
ମୁମ୍ବାଇ: ରିଲାଏନ୍ସ କମ୍ପାନିର ମାଲିକ ମୁକେଶ ଅମ୍ବାନୀଙ୍କ ପୁଅ ଆକାଶ ଅମ୍ବାନୀଙ୍କର ଶନିବାର ଗୋଆ ଠାରେ ନିର୍ବନ୍ଧ ସଂପନ୍ନ ହୋଇଛି। ସେ ହୀରା ବ୍ୟବସାୟୀ ରସେଲ ମେହେତାଙ୍କ ଝିଅ ଶ୍ଲୋକା ମେହେତାଙ୍କ ସହିତ ନିର୍ବନ୍ଧ କରିଛନ୍ତି । ଏହି ବର୍ଷ ଶେଷ ସୁଦ୍ଧା ଦୁହେଁ ବିବାହ ବନ୍ଧନରେ ଆବଦ୍ଧ ହେବେ ବୋଲି ଶୁଣିବାକୁ ମିଳୁଛି । ତେବେ, ଏନେଇ ପରିବାର ତରଫରୁ କୌଣସି ସୁଚନା ମିଳିନାହିଁ । ନିର୍ବନ୍ଧର ଫଟୋ ନିଜର ସୋସିଆଲ ମିଡିଆ ଆକାଉଣ୍ଟରେ ଆକାଶ ଏବଂ ପରିବାରର ଅନ୍ୟ ସଦସ୍ୟମାନେ ସେୟାର କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆକାଶ, ଧିରୁଭାଇ ଅମ୍ବାନୀ ଇଣ୍ଟରନ୍ୟାସନାଲ ସ୍କୁଲରେ ପଢ଼ୁଥିବା ସମୟରେ ଶ୍ଲୋକାଙ୍କ ସହିତ ସାକ୍ଷାତ ହୋଇଥିଲା। ସେଠାରେ ଦୁହିଁଙ୍କ ମଧ୍ୟରେ ବନ୍ଧୁତା ସ୍ଥାପନ ହୋଇଥିଲା। ଆକାଶ ରିଲାଏନ୍ସ କମ୍ପାନିର ଜଣେ ବୋର୍ଡ଼ ମେମ୍ବର ହୋଇଥିବା ବେଳେ ଶ୍ଳୋକା ‘କନେକ୍ଟଫର’ଆପ୍ର ସହ-ପ୍ରତିଷ୍ଠାତା । ଉଭୟଙ୍କ ବିବାହ ଏହି ବର୍ଷ ଡ଼ିସେମ୍ବର ମାସରେ ହେବ ବୋଲି ଶୁଣିବାକୁ ମିଳୁଛି । ତେବେ ଏନେଇ ମିଡ଼ିଆକୁ କିଛି ସୂଚନା ପ୍ରଦାନ କରିନାହାନ୍ତି ଅମ୍ବାନୀ ଏବଂ ମେହେତା ପରିବାର ।
It’s official now
Aakash Ambani engaged with Shloka#IPL2018 pic.twitter.com/oSoSS5fFiA— stockguru07 (@stockguru07) March 24, 2018
“ମୁଁ ବହୁତ ଖୁସି, ଆମର ବନ୍ଧୁତା ପ୍ରେମରେ ପରିବର୍ତ୍ତନ ହେଲା। ବର୍ତ୍ତମାନ ମୁଁ ଏବଂ ଶ୍ଲୋକା ବିବାହ ବନ୍ଧନରେ ବାନ୍ଧି ହେବାକୁ ଯାଉଛୁ । ସେ ଜଣେ ବହୁତ ସ୍ୱତନ୍ତ୍ର ଏବଂ ଦୟାଳୁ ହୃଦୟର ମହିଳା” ବୋଲି ଗଣମାଧ୍ୟମକୁ କହିଛନ୍ତି ଆକାଶ ଅମ୍ବାନୀ।