ନିଜ ଝିଅର ଏହି ନାଁ ରଖିଲେ ଆକାଶ ଅମ୍ବାନି-ଶ୍ଲୋକା ମେହେଟ୍ଟା

ମୁମ୍ବାଇ :  ଦେଶର ବିଶିଷ୍ଟ ଶିଳ୍ପପତି ତଥା ରିଲାଏନ୍ସ ଗ୍ରୁପ ଅଧ୍ୟକ୍ଷ ମୁକେଶ ଅମ୍ବାନୀ ଏବଂ ନୀତା ଅମ୍ବାନୀଙ୍କ ପୁଅ ଆକାଶ ଅମ୍ବାନୀ ଏବଂ ବୋହୂ ଶ୍ଲୋକା ମେହେଟ୍ଟାଙ୍କର ନବଜାତ କନ୍ୟାର ନାମକରଣ କରାଯାଇଛି । ଏହି ଶିଶୁକନ୍ୟାର ନାମ ବେଦା ରଖାଯାଇଛି । ଅମ୍ବାନି ପରିବାର ପକ୍ଷରୁ ଏକ କାର୍ଡ ଜାରି କରି ଏହି ନାମକରଣ ସମ୍ପର୍କରେ ଘୋଷଣା କରିଛନ୍ତି । କାର୍ଡରେ ଶିଶୁ କନ୍ୟାର ନାଁ ବେଦା ଆକାଶ ଅମ୍ବାନି ଲେଖାଯାଇଛି ।

ବେଦାର ଅର୍ଥ ହେଉଛି 'ଅତ୍ୟନ୍ତ ସୁନ୍ଦର'। ଅମ୍ବାନୀ ପରିବାର ପକ୍ଷରୁ ଜାରି ଏହି କାର୍ଡକୁ ଅମ୍ବାନୀ ଅପଡେଟ୍ ନାମକ ଫ୍ୟାନ୍ ପେଜ୍ ରେ ସେୟାର କରାଯାଇଛି ।

ଶ୍ଲୋକା ମେହେଟ୍ଟା ଗତ ମେ ୩୧ରେ ଏକ କନ୍ୟା ସନ୍ତାନକୁ ଜନ୍ମ ଦେଇଥିଲେ। ଆକାଶ ଅମ୍ବାନୀ ଓ ଶ୍ଲୋକା ଅମ୍ବାନୀଙ୍କର ଏହା ହେଉଛି ଦ୍ୱିତୀୟ ସନ୍ତାନ । ସେମାନଙ୍କର ପୃଥ୍ୱୀ ଅମ୍ବାନୀ ନାମକ ଏକ ୨ ବର୍ଷର ପୁଅ ମଧ୍ୟ ଅଛି । ଏପ୍ରିଲ ମାସରେ ନୀତା ମୁକେଶ ଅମ୍ବାନୀ ସାଂସ୍କୃତିକ କେନ୍ଦ୍ର (ଏନଏମଏସିସି)ର ଉଦଘାଟନ ସମାରୋହରେ ଶ୍ଲୋକା ଅମ୍ବାନୀଙ୍କ ଦ୍ୱିତୀୟ ଗର୍ଭଧାରଣ ବିଷୟରେ ସମସ୍ତେ ଜାଣିବାକୁ ପାଇଥିଲେ । ଆକାଶ ଓ ଶ୍ଲୋକା ଗତ ୨୦୧୯ ମସିହାରେ ବିବାହ କରିଥିଲେ ।