ନିଜ ଦଳ ପଛେ ହାରୁ, ମମତାଙ୍କ ବିଜୟ ନେଇ ଖୁସିରେ ଗଦଗଦ ହେଲେ ଅଖିଳେଶ
ଲଖନଉ: ପ୍ରଥମେ ଉତ୍ତରପ୍ରଦେଶ ବିଧାନସଭା ଏବଂ ପରେ ବିଧାନ ପରିଷଦ ନିର୍ବାଚନରେ ପରାଜୟର ସମ୍ମୁଖୀନ ହୋଇଥିବା ସମାଜବାଦୀ ପାର୍ଟି(ଏସପି) ଅଧ୍ୟକ୍ଷ ଅଖିଳେଶ ଯାଦବ ପଶ୍ଚିମବଙ୍ଗରେ ଭାରତୀୟ ଜନତା ପାର୍ଟିର ପରାଜୟ ଏବଂ ତୃଣମୂଳ କଂଗ୍ରେସ (ଟିଏମସି) ର ବିଜୟକୁ ନେଇ ଖୁସିରେ ଗଦଗଦ ହୋଇଯାଇଛନ୍ତି | ପଶ୍ଚିମବଙ୍ଗ ଉପ-ନିର୍ବାଚନରେ ସମସ୍ତ ଆସନରେ ବିଜେପିର ପରାଜୟରେ ସମାଜବାଦୀ ପାର୍ଟି ଅଧ୍ୟକ୍ଷ କହିଛନ୍ତି ଯେ ଏହା ଏକ ବଡ଼ ସଙ୍କେତ ଦେଇଛି । ରବିବାର ଦିନ ଅଖିଳେଶ ଯାଦବ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଅଭିନନ୍ଦନ ଜଣାଇ ଅଭିନେତାରୁ ରାଜନେତା ହୋଇଥିବା ଶତ୍ରୁଘ୍ନ ସିହ୍ନାଙ୍କ ସହ ଏକ ଫଟୋ ସେୟାର କରିଛନ୍ତି। ଅଖିଳେଶ ଯାଦବ ଲେଖିଛନ୍ତି, “ଟିଏମସି ପ୍ରାର୍ଥୀ ଶତ୍ରୁଘ୍ନ ସିହ୍ନା ଆସାନସୋଲ ଲୋକସଭା ଆସନରେ ୩ ଲକ୍ଷରୁ ଅଧିକ ଭୋଟ ବ୍ୟବଧାନରେ ବିଜେପି ପ୍ରାର୍ଥୀଙ୍କୁ ପରାସ୍ତ କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଆଉ ମମତା ବାନାର୍ଜୀଙ୍କ ଦକ୍ଷ ନେତୃତ୍ୱ ଏହା ପଛର କାରଣ ହୋଇଥିବାବେଳେ ତାଙ୍କୁ ହାର୍ଦ୍ଦିକ ଅଭିନନ୍ଦନ।! ଉପ-ନିର୍ବାଚନରେ ବିଜେପିର ପରାଜୟ ଏକ ବଡ଼ ସଙ୍କେତ’। ସୂଚନା ଥାଉ କି ଉତ୍ତରପ୍ରଦେଶରେ ବିଧାନସଭା ନିର୍ବାଚନ ସମୟରେ ମମତା ବାନାର୍ଜୀ ସମାଜବାଦୀ ପାର୍ଟିକୁ ଭୋଟ୍ ଦେବାକୁ ନିବେଦନ କରିଥିଲେ। ସେ ନିର୍ବାଚନ ମଧ୍ୟରେ ଦୁଇଥର ୟୁପି ଆସିଥିଲେ ବି ବିଜେପି ସହ ପ୍ରତିଯୋଗିତାରେ ଏସପିକୁ ପରାଜୟର ସାମ୍ନା କରିବାକୁ ପଡିଥିଲା।
टीएमसी के प्रत्याशी शत्रुघ्न सिन्हा जी ने आसनसोल लोकसभा से 3 लाख से भी अधिक वोटों के अंतर से भाजपा प्रत्याशी को हराकर जो ऐतिहासिक जीत हासिल की है उसके लिए उन्हें और सुश्री ममता बनर्जी जी के कुशल नेतृत्व को हार्दिक बधाई!
भाजपा का विधानसभा उपचुनाव की सभी सीटें हारना बड़ा संकेत है। pic.twitter.com/231bCV431K
— Akhilesh Yadav (@yadavakhilesh) April 17, 2022
ଉଲ୍ଲେଖ ଥାଉ କି ବିଜେପି ଆସନସୋଲ୍ ଲୋକସଭା ଆସନରେ ହୋଇଥିବା ଲଢ଼େଇରେ ହାରି ଯାଇଛି। ଆସନସୋଲ୍ ଆସନରେ ଟିଏମ୍ସି ଜିତିଛି। ବାବୁଲ ସୁପ୍ରିୟୋ ଜଣେ ସାଂସଦ ଭାବେ ଆସନସୋଲ୍ରୁ ଇସ୍ତଫା ଦେଇ ବିଜେପିରୁ ଟିଏମ୍ସିରେ ଯୋଗ ଦେବାପରେ ଏହି ଆସନ ଖାଲି ପଡ଼ିଥିଲା। ଏହି ଆସନ ପାଇଁ ଟିଏମ୍ସି ଅଭିନେତାରୁ ରାଜନେତା ବନିଥିବା ଶତ୍ରୁଘ୍ନ ସିହ୍ନାଙ୍କୁ ପ୍ରାର୍ଥୀ କରିଥିଲା। ସିହ୍ନା ବିଜେପିର ଅଗ୍ନିମିତ୍ର ପଲ୍ଙ୍କଠାରୁ ୩ ଲକ୍ଷରୁ ଅଧିକ ଭୋଟ୍ ବ୍ୟବଧାନରେ ଜିତିଥିଲେ ।