ପ୍ରିୟଙ୍କାଙ୍କୁ ନେଇ ଅଖିଳେଶଙ୍କ ବଡ଼ ବୟାନ, କହିଲେ; ସେ ଘରେ ବନ୍ଦୀ ଥିଲେ, ତେଣୁ ଆମ ସଂଘର୍ଷ ଦେଖିନାହାନ୍ତି
ଲକ୍ଷ୍ନୌ: ପ୍ରିୟଙ୍କା ଗୋଟିଏ ଘରେ ବନ୍ଦ ହୋଇ ରହିଥିଲେ, ତେଣୁ ସେ ଆମର ସଂଘର୍ଷ କଣ ଦେଖିନାହାନ୍ତି । ଲଖିମପୁର ହିଂସାକାଣ୍ଡକୁ ନେଇ ରାଜନୀତି ତେଜୁଥିବା ବେଳେ ବିରୋଧୀ ଯୋଗୀ ସରକାରଙ୍କୁ ଟାର୍ଗେଟ କରୁଛନ୍ତି । ଏଭଳି ସ୍ଥଳେ ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀଙ୍କୁ ବି ଟାର୍ଗେଟ କରିବାକୁ ପଛାଇନାହାନ୍ତି । ଉଭୟ କଂଗ୍ରେସ ଓ ସମାଜବାଦୀ ପାର୍ଟି ଲଖିମପୁର ହିଂସାକାଣ୍ଡ ଘଟଣାରେ ଚାଷୀଙ୍କୁ ନ୍ୟାୟ ଦେବାକୁ ଦାବି କରୁଥିବା ବେଳେ ପରସ୍ପରର ଗୋଡଟାଣିବା ଆରମ୍ଭ କରିଛନ୍ତି । ଲଖିମପୁର ହିଂସାକାଣ୍ଡ ମାମଲାରେ ଯୋଗୀ ସରକାର ଆଗକୁ ଆସିନଥିବା ବେଳେ କଂଗ୍ରେସ ଓ ସମାଜବାଦୀ ପାର୍ଟି ପରସ୍ପରକୁ ଟାର୍ଗେଟ କରିବା କେଉଁଠି ନା କେଉଁଠି ବିଜେପି ସରକାରକୁ ସୁହାଉଛି ।
Sambad is now on WhatsApp
Join and get latest news updates delivered to you via WhatsApp
ଲଖିମପୁର ଅଭିମୁଖେ ଯାଉଥିବା ବେଳେ ପ୍ରିୟଙ୍କା ଗାନ୍ଧୀଙ୍କୁ ନିଜ ହେପାଜତକୁ ନେଇଥିଲା ଉତ୍ତରପ୍ରଦେଶ ପୁଲିସ। ଆଉ ସେତେବେଳେ ପ୍ରିୟଙ୍କା କହିଥିଲେ, ଲଖିମପୁରର ଚାଷୀଙ୍କୁ ନ୍ୟାୟ ଦେବାକୁ କଂଗ୍ରେସ ଲଗାତାର ପ୍ରୟାସ କରୁଥିବା ବେଳେ ସମାଜବାଦୀ ପାର୍ଟି ଓ ବହୁଜନ ସମାଜ ପାର୍ଟିର ସଂଘର୍ଷ ଦେଖିବାକୁ ମିଳୁନି । ଆଜି ଯେତେବେଳେ ଏହାକୁ ନେଇ ପ୍ରଶ୍ନ କରାଗଲା ସେତେବେଳେ ଅଖିଳେଶ କହିଛନ୍ତି, ପ୍ରିୟଙ୍କା ଗାନ୍ଧୀ ଗୋଟିଏ ଘର ଭିତରେ ବନ୍ଦ ଥିଲେ ତେଣୁ ସଂଘର୍ଷ କ’ଣ ଦେଖିନାହାନ୍ତି ।