ପରଲୋକରେ ପ୍ରସିଦ୍ଧ ମାଲାୟାଲାମ କବି ଅକ୍କିଥମ, ଗତବର୍ଷ ମିଳିଥିଲା ସମ୍ମାନଜନକ ଜ୍ଞାନପୀଠ ପୁରସ୍କାର
ନୂଆଦିଲ୍ଲୀ: ପରଲୋକରେ ମାଲାୟାଲାମ ଭାଷାର ପ୍ରସିଦ୍ଧ କବି ଅକ୍କିଥମ | ୯୪ ବର୍ଷ ବୟସରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି | ଗତବର୍ଷ ତାଙ୍କୁ ସମ୍ମାନଜନକ ଜ୍ଞାନପୀଠ ପୁରସ୍କାରରେ ସମ୍ମାନିତ କରାଯାଇଥିଲା | ସେ କେରଳର ଥ୍ରୀସୁରରେ ଶେଷ ନିଃଶ୍ୱାସ ତ୍ୟାଗ କରିଛନ୍ତି । ୧୯୨୬ ମସିହାରେ କେରଳର ପାଲକ୍କଡ ଜିଲ୍ଲାରେ ସେ ଜନ୍ମଗ୍ରହଣ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଅକ୍କିଥମଙ୍କର ସମ୍ପୂର୍ଣ୍ଣ ନାମ ଥିଲା ଅକ୍କିଥମ୍ ଅଚ୍ୟୁତାନ ନାମ୍ବୁଥିରି, କିନ୍ତୁ ସାହିତ୍ୟ ଜଗତରେ ସେ ଅକ୍କିଥମ ନାମରେ ପ୍ରସିଦ୍ଧ ଥିଲେ | ସେ ତାଙ୍କ ରଚନା ପାଇଁ ୧୯୭୩ ମସିହାରେ ସାହିତ୍ୟ ଏକାଡେମୀ ପୁରସ୍କାର ପାଇଥିଲେ |
Hon’ble Governor Shri Arif Mohammed Khan condoled the sad demise of Mahakavi #Akkitham Achuthan Namboothiri, Gyanpeeth winner.”He represented the loftiest ideals of poetic tradition, with utmost respect for Indian values&tradition deeply reflecting in his poems”, he said (1/2). pic.twitter.com/9npXuncAT4
— Kerala Governor (@KeralaGovernor) October 15, 2020
ପଦ୍ମଶ୍ରୀ ପୁରସ୍କାରରେ ପୁରସ୍କୃତ ହୋଇଥିବା ଅକ୍କିଥମ ମାଲାୟାଲମ୍ ଭାଷାରେ ଅନେକ ପ୍ରସିଦ୍ଧ ପ୍ରବନ୍ଧ, କ୍ଷୁଦ୍ରଗଳ୍ପ ଏବଂ କବିତା ଲେଖିଛନ୍ତି | ତାଙ୍କର ଲେଖା ମଧ୍ୟ ଅନେକ ଭାରତୀୟ ଏବଂ ବିଦେଶୀ ଭାଷାରେ ଅନୁବାଦ କରାଯାଇଛି। କୁହାଯାଏ ୮ ବର୍ଷ ବୟସରେ ସେ ତାଙ୍କର ପ୍ରଥମ କବିତା ଲେଖିଥିଲେ | ୨୦୧୯ ମସିହାରେ, କବି ଅକ୍କିଥମଙ୍କୁ ଜ୍ଞାନପୀଠ ପୁରସ୍କାର ପାଇଁ ମନୋନୀତ କରାଯାଇଥିଲା |