ଲଦାଖରେ ଚୀନର ଭିତ୍ତିଭୂମି ନିର୍ମାଣ ଏକ ଚିନ୍ତାଜନକ କଥା : ଆମେରିକୀୟ ଜେନେରାଲ
ନୂଆଦିଲ୍ଲୀ : ଚୀନ ପକ୍ଷରୁ ଲଦାଖରେ ନିର୍ମାଣ କରାଯାଉଥିବା ଭିତ୍ତିଭୂମି ନିର୍ମାଣ ଏକ ଚିନ୍ତାଜନକ ବିଷୟ ବୋଲି କହିଛନ୍ତି ଆମେରିକାର ଜଣେ ବରିଷ୍ଠ ସୈନ୍ୟ କମାଣ୍ଡର ।
Sambad is now on WhatsApp
Join and get latest news updates delivered to you via WhatsApp
ଆମେରିକୀୟ ସେନାର ପାସିଫିକ କମାଣ୍ଡର ଜେନେରାଲ ଚାର୍ଲସ ଫ୍ଲାଇନ କହିଛନ୍ତି ଯେ ଲଦାଖରେ ଚୀନ ପକ୍ଷରୁ କରାଯାଉଥିବା ନିର୍ମାଣ ଆଖି ଖୋଲିଦେବା ଭଳି । ଏହା ଅସ୍ଥିରତା ଓ ବିବାଦ ସୃଷ୍ଟି କଲାଭଳି କାର୍ଯ୍ୟ ବୋଲି ସେ କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି ଦୁଇ ଦେଶ ମଧ୍ୟରେ ଚାଲିଥିବା କଥାବାର୍ତ୍ତା ବିବାଦର ସମାଧାନ ପାଇଁ ଜରୁରୀ । କିନ୍ତୁ ସେମାନଙ୍କ ଆଚରଣ ମଧ୍ୟ ଗୁରୁତ୍ବପୂର୍ଣ୍ଣ, କାରଣ ସେମାନେ ଗୋଟିଏ ପଟେ ଆଲୋଚନା କରୁଛନ୍ତି, ଅନ୍ୟପଟେ ନିର୍ମାଣ କରୁଛନ୍ତି ।
ସୂଚନାଯୋଗ୍ୟ ଯେ, ଚୀନ ପକ୍ଷରୁ ପେଙ୍ଗୋଙ୍ଗ ହ୍ରଦ ଉପରେ ଏକ ଦୁଇଟି ପୋଲ ନିର୍ମାଣ କରାଯାଇଛି । ୨ୟ ପୋଲ ସମ୍ପର୍କରେ ଗତ ମାସରେ ଉପଗ୍ରହ ଚିତ୍ରରୁ ଜଣାପଡ଼ିଥିଲା । ଏହି ୨ୟ ପୋଲଟି ପ୍ରଥମଟି ତୁଳନାରେ ବଡ଼ ଓ ଅଧିକ ମଝବୁତ । ଭାରି ଯୁଦ୍ଧ ଯାନ ଯାତାୟାତ ପାଇଁ ଚୀନ ଏହାକୁ ନିର୍ମାଣ କରିଥିବା ବିଶେଷଜ୍ଞମାନେ ସଂଦେହ କରୁଛନ୍ତି । ଏପରିକି ଏହି ପୋଲ ଦ୍ବାରା ଟ୍ୟାଙ୍କ ମଧ୍ୟ ଯାଇପାରିବ ବୋଲି କୁହାଯାଉଛି । ଗତ ବର୍ଷ ପେଙ୍ଗାଙ୍ଗ ହ୍ରଦରେ ନିଜର ପ୍ରଥମ ପୋଲ ନିର୍ମାଣ କରିବା ପରେ ଚୀନ ହଟ ସ୍ପ୍ରିଙ୍ଗ ଅଞ୍ଚଳରେ ଭାରତୀୟ ଅଂଚଳକୁ ଲାଗି ୩ଟି ମୋବାଇଲ ଟାଓ୍ବାର ନିର୍ମାଣ କରିଥିଲା ।