ହିମାଚଳ ପ୍ରଦେଶ : ସୁରକ୍ଷିତ ଉଦ୍ଧାର ହେଲେ କେବୁଲ କାରରେ ଫସି ରହିଥିବା ୧୧ ପର୍ଯ୍ୟଟକ
ନୂଆଦିଲ୍ଲୀ : ହିମାଚଳ ପ୍ରଦେଶର ପାରଓ୍ବାନୁଠାରେ ବୈଷୟିକ ତ୍ରୁଟି ଯୋଗୁଁ ଏକ କେବୁଲ କାରରେ ଫସି ରହିଥିବା ସମସ୍ତ ୧୧ ଜଣ ପର୍ଯ୍ୟଟକଙ୍କୁ ଉଦ୍ଧାର କରାଯାଇଛି । ଏହି କେବୁଲକାର ନିକଟରେ ଥିବା ଆଉ ଏକ କେବୁଲ କାରରେ ଆୁ ୩ ଜଣ ଯାତ୍ରୀ ଥିଲେ । ସେମାନଙ୍କୁ ମଧ୍ୟ ସୁରକ୍ଷିତ ଉଦ୍ଧାର କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ପାରଓ୍ବାନୁ ସ୍ଥାନୀୟ ପ୍ରଶାସନର ଜଣେ ଅଧକାରୀ ଛତର ସିଂ କହିଛନ୍ତି ଯେ ସୋମବାର ଅପରାହ୍ଣରେ ୧୧ ଜଣ ଯାତ୍ରୀ ଥିବା ଉକ୍ତ କେବୁଲ କାର ଯାଉଥିବାବେଳେ ଅଧାବାଟରେ ଅଟକି ଯାଇଥିଲା । ଏହା ପରେ ଉଦ୍ଧାର କାର୍ଯ୍ୟପାଇଁ ଏକ ଟ୍ରଲି (ଛୋଟ କେବୁଲ କାର) ପଠାଯାଇଥିଲା । ତାହା ମାଧ୍ୟମରେ ଲୋକମାନଙ୍କୁ ଉଦ୍ଧାରକରାଯାଇଥିଲା ।
୧୯୯୨ ଅକ୍ଟୋବର ମାସରେ ଏହି ରୋପଓ୍ବେରେ ସମାନ ପ୍ରକାରର ଏକ ଦୁର୍ଘଟଣା ହୋଇଥିଲା । ସେତେବେଳେ ମଧ୍ୟ ଉକ୍ତ କେବୁଲ କାରରେ ୧୧ ଜଣ ଯାତ୍ରୀ ଥିଲେ । ସେମାନଙ୍କୁ ଉଦ୍ଧାର ପାଇଁ ବାୟୁସେନାକୁ ଡକାଯାଇଥିଲା ।
ଗତ ଏପ୍ରିଲ ମାସରେ ଝାଡ଼ଖଣ୍ଡର ଦେଓଘରଠାରେ ଥିବା ଏକ କେବୁଲ କାରରେ ସମାନ ପ୍ରକାରର ଦୁର୍ଘଟଣା ହୋଇଥିଲା । ଏଥିରେ ୩ ଜଣ ଲୋକଙ୍କ ମୃତ୍ୟୁ ହୋଇଥିଲା । ଏହାସହିତ ପ୍ରାୟ ୨୪ ଘଣ୍ଟା ଧରି ୪୮ ଜଣ ପର୍ଯ୍ୟଟକ ଫସି ରହିଥିଲେ ।