ଭୁବନେଶ୍ୱର : ଗତ କାଲି ଭାରତକୁ ଯୁଦ୍ଧ ଧମକ ଦେଇଥିବା ପାକିସ୍ତାନର ରେଳ ମନ୍ତ୍ରୀ ଶେଖ ରସିଦଙ୍କୁ ନେଇ ଏବେ ସବୁଆଡେ ଚର୍ଚ୍ଚା । ସେ କହିଥିଲେ ଯେ ଆସନ୍ତା ଅକ୍ଟୋବର କିମ୍ବା ନଭେମ୍ବର ମାସରେ କଶ୍ମୀରକୁ ନେଇ ଭାରତ ଓ ପାକିସ୍ତାନ ମଧ୍ୟରେ ଯୁଦ୍ଧ ହେବାର ଅଛି । କଶ୍ମୀର ସମସ୍ୟା କଥାବାର୍ତ୍ତାରେ ସମାଧାନ ହେବ ନାହିଁ, ଏଥିପାଇଁ ଯେଉଁ ଯୁଦ୍ଧ ହେବ ତାହା ଶେଷ ଯୁଦ୍ଧ ହେବ ବୋଲି ସେ ଧମକ ଦେଇଥିଲେ ।
ପାକିସ୍ତାନ ମନ୍ତ୍ରୀଙ୍କ ଏହି ବକ୍ତବ୍ୟକୁ ଭାରତ କଥା ଛାଡନ୍ତୁ ପାକିସ୍ତାନରେ ମଧ୍ୟ କେହି ଗୁରୁତ୍ୱ ଦେଉନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
The bravest of the brave, minister railways Sheikh Rasheed explaining how he fled Pakistan at the time of 1998 nuclear tests. pic.twitter.com/UaAzzID1Bb
— Naila Inayat नायला इनायत (@nailainayat) August 9, 2019
ଏହାର କାରଣ ହେଉଛି ରସିଦ ପାକିସ୍ତାନରେ ଜଣେ ବଡ଼ ବଡ଼ ମାତ୍ର ଗୁରୁତ୍ୱହୀନ କଥା କହୁଥିବା ନେତା ଭାବରେ ଜଣାଶୁଣା । ତାଙ୍କ ବିଷୟରେ ଆଉ ଏକ ମଜାଦାର କଥା ପାକିସ୍ତାନର ଜଣେ ସାମ୍ବାଦିକା ନିଲା ଇନାୟତ ଟ୍ଵିଟ କରି ଜଣାଇଛନ୍ତି । କଥା ହେଉଛି ପାକିସ୍ତାନର ଏହି ମନ୍ତ୍ରୀ ଜଣକ ଜଣେ ଅତି ଡରୁଆ ଲୋକଭାବରେ ଜଣାଶୁଣା । ୧୯୯୮ମସିହାରେ ଭାରତର ପରମାଣୁ ପରୀକ୍ଷଣ ଜବାବରେ ପାକିସ୍ତାନ ମଧ୍ୟ ପରମାଣୁ ପରୀକ୍ଷଣ କରିଥିଲା । ପାକିସ୍ତାନର ପରମାଣୁ ପରୀକ୍ଷଣକୁ ନେଇ ସେ ଏତେ ଭୟଭୀତ ହୋଇପଡିଥିଲେ ଯେ ସେହିଦିନ ସକାଳୁ ପାକିସ୍ତାନ ଛାଡି ପଳାଇଥିଲେ । ଯଦି ପରୀକ୍ଷା ବେଳେ କିଛି ଏପଟ ସେପଟ ହୋଇଗଲା, ତେବେ କଥା ସରିଲା ! ବିଦେଶରେ ଥାଇ ଯେତେବେଳେ ଟିଭିଦେଖି ଜାଣିଲେ ଯେ ପରୀକ୍ଷା ସଫଳ ହୋଇଛି, ସେ ପୁଣି ପାକିସ୍ତାନ ଫେରିଆସିଲେ । ଏକଥା ସେ ନିଜେ ଏକ ଟିଭି ସାକ୍ଷାତକାର ବେଳେ ସ୍ୱୀକାର କରିଛନ୍ତି ।