ଉତ୍ତର ପ୍ରଦେଶରେ ଭାଜପାର ନୂଆ ରଣନୀତି , ସବୁମନ୍ତ୍ରୀଙ୍କୁ ଲୋକସଭା ନିର୍ବାଚନ ଦାୟିତ୍ୱ
ଲକ୍ଷ୍ନୌ: ଉତ୍ତର ପ୍ରଦେଶରେ ଭାରତୀୟ ଜନତା ପାର୍ଟି ଲୋକସଭା ନିର୍ବାଚନକୁ ନେଇ ନୂଆ ରଣନୀତି ପ୍ରସ୍ତୁତ କରିଛି। ଉତ୍ତର ପ୍ରଦେଶର ଦଳ ପ୍ରଭାରୀ ଓ କେନ୍ଦ୍ରମନ୍ତ୍ରୀ ଜେ.ପି.ନଡ୍ଡା ରାଜ୍ୟର ସମସ୍ତ ମନ୍ତ୍ରୀଙ୍କୁ ଲୋକସଭା ନିର୍ବାଚନ ପରିଚାଳନାର ଦାୟିତ୍ୱ ଦେଇଛନ୍ତି। ଏଥର କେବଳ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଓ ଡ଼ ଦିନେଶ ଶର୍ମା ବା ପ୍ରଦେଶ ଅଧ୍ୟକ୍ଷ ଡ ମହେନ୍ଦ୍ର ନାଥ ପାଣ୍ଡେଙ୍କୁ ଏହି ଦାୟିତ୍ୱ ଦିଆଯାଇନାହିଁ। ମନ୍ତ୍ରୀମାନଙ୍କୁ ନିଜ ଦିଲ୍ଲୀ ଓ ପାଖ ଜିଲ୍ଲାର ନିର୍ବାଚନ ଦାୟିତ୍ୱ ଅର୍ପଣ କରିଛି ଭାଜପା।
Sambad is now on WhatsApp
Join and get latest news updates delivered to you via WhatsApp
ଏହି କ୍ରମରେ କୃଷି ମନ୍ତ୍ରୀ ସୂର୍ଯ୍ୟ ପ୍ରତାପ ଶାହାଙ୍କୁ ଗୋରଖପୁର ଓ କାଂସଗାଁଓ, ସ୍ୱାସ୍ଥ୍ୟ ମନ୍ତ୍ରୀ ନାଥ ସିଂହଙ୍କୁ ଜୌନପୁର, ଭଦୋହୀ, ମୌଳିକ ଶିକ୍ଷା ମନ୍ତ୍ରୀ ଅନୁପମା ଜାୟସଓ୍ଵାଲ୍ କେଶରଗଂଜ,ଶ୍ରମ ମନ୍ତ୍ରୀ ସ୍ୱାମୀ ପ୍ରସାଦ ମୌର୍ଯ୍ୟଙ୍କୁ କୁଶୀନଗରଏବଂ ମହାରାଜଗଂଜ,ନଗର ଉନ୍ନୟନ ମନ୍ତ୍ରୀ ସୁରେଶ ଖାନ୍ନାଙ୍କୁ ବରେଲୀ ଓ ପୋଲିଭିତ୍ ,ଶକ୍ତି ମନ୍ତ୍ରୀ ଶ୍ରୀକାନ୍ତ ଶର୍ମାଙ୍କୁ ଆଗ୍ରା ଓ ଫତେହପୁର ସିକ୍ରି ଳୋକସଭା ନିର୍ବାଚନ ମଣ୍ଡଳୀର ଦାୟିତ୍ୱ ଦିଆଯାଇଛି। ଠିକ୍ ସେହିପରି ପର୍ଯ୍ୟଟନ ମନ୍ତ୍ରୀ ରୀତା ବହୁଗୁଣା ଯୋଶୀଙ୍କୁ ସୀତାପୁର ନିର୍ବାଚନ ମଣ୍ଡଳୀର ଦାୟିତ୍ୱ ଦିଆଯାଇଛି।