ମୁଁ ପଣ୍ଡିତ ନୁହେଁ ଯେ ଭଵିଷ୍ୟବାଣୀ କରିବି: ଅମରିନ୍ଦର ସିଂ
ଚଣ୍ଡୀଗଡ଼: ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ନିର୍ବାଚନ ଫଳାଫଳ ସମ୍ପର୍କରେ ପୂର୍ବାନୁମାନ କରିବାକୁ ମନା କରି ଦେଇଛନ୍ତି। ଆଜି କ୍ୟାପଟେନ ଅମରିନ୍ଦରଙ୍କୁ ଦିଲ୍ଲୀରେ ବିଜେପି ଓ ତାଙ୍କ ଦଳ ମଧ୍ୟରେ ହୋଇଥିବା ଗଠବନ୍ଧନର ସ୍ଥିତି ବିଷୟରେ ପଚରାଯାଇଥିଲା, ସେ କହିଛନ୍ତି କ’ଣ ହେଉଛି ଦେଖିବା | କ୍ୟାପଟେନ ଅମରିନ୍ଦର ସିଂ କହିଛନ୍ତି, “ମୁଁ ଜଣେ ପଣ୍ଡିତ ନୁହେଁ। ମୁଁ ଭବିଷ୍ୟବାଣୀ କରିପାରିବି ନାହିଁ। ମୋର ଦଳ ଭଲ ପ୍ରଦର୍ଶନ କରିଛି। ବିଜେପି ଭଲ କରିଛି। ଦେଖିବା ଫଳାଫଳ କଣ ହେଉଛି। ନିର୍ବାଚନର ଫଳାଫଳ ଏପର୍ଯ୍ୟନ୍ତ ଆସିନାହିଁ।
Sambad is now on WhatsApp
Join and get latest news updates delivered to you via WhatsApp
ଗୃହମନ୍ତ୍ରୀ ଅମିତ ଶାହାଙ୍କ ସହ ମୋର ଆଜି ଆଲୋଚନା ହୋଇଥିବାବେଳେ ନିର୍ବାଚନ ଫଳାଫଳ ଆସିବା ପରେ ସବିଶେଷ ଆଲୋଚନା ହେବ। ସୂଚନା ମୁତାବକ ପଞ୍ଜାବ ବିଧାନସଭା ନିର୍ବାଚନ ୨୦୨୨ ଫଳାଫଳ ୧୦ ମାର୍ଚ୍ଚରେ ଆସିବାକୁ ଯାଉଛି କିନ୍ତୁ ଏହା ପୂର୍ବରୁ ଭାରତୀୟ ଜନତା ପାର୍ଟି ସମୀକ୍ଷା ବୈଠକ ଆରମ୍ଭ କରିସାରିଛି।
୨୦୨୪ ଲୋକସଭା ନିର୍ବାଚନ ପାଇଁ କ୍ୟାଡର ପ୍ରସ୍ତୁତି ଉପରେ ଧ୍ୟାନ ଦେଇ ବିଧାନସଭା ନିର୍ବାଚନରେ ଏହାର ପ୍ରଦର୍ଶନକୁ ସମୀକ୍ଷା କରିବା ପାଇଁ ବିଜେପି ଶୁକ୍ରବାର ଦିନ ଏକ ବୈଠକ କରିଥିଲା | ତେବେ ବୈଠକ ପରେ ଆଜି କ୍ୟାପଟେନ ଅମରିନ୍ଦର ସିଂ ଗୃହମନ୍ତ୍ରୀ ଅମିତ ଶାହାଙ୍କୁ ଭେଟି ନିର୍ବାଚନ ଫଳାଫଳ ନେଇ ଆଲୋଚନା କରିଥିଲେ |