ଆତଙ୍କବାଦୀ ଅଟକାଇପାରିଲେନି, କରୋନା ଅଟକାଇଦେଲା ଅମରନାଥ ଯାତ୍ରା

ଶ୍ରୀନଗର: କରୋନା ଅଟକାଇଦେଲା ଅମରନାଥ ଯାତ୍ରା | ଆତଙ୍କବାଦୀଙ୍କ ଷଡଯନ୍ତ୍ର ପ୍ରଭୁ ଅମରେଶ୍ୱରଙ୍କ ବାର୍ଷିକ ତୀର୍ଥଯାତ୍ରା ବନ୍ଦ କରି ନଥିଲା, କିନ୍ତୁ ଏଥର କରୋନା ମହାମାରୀ ପ୍ରଶାସନକୁ ବାର୍ଷିକ ଅମରନାଥ ଯାତ୍ରା ବାତିଲ କରିବାକୁ ବାଧ୍ୟ କରିଛି । ଆଜି ଶ୍ରୀନଗରରେ ଉପରାଜ୍ୟପାଳ ଏବଂ ମନ୍ଦିର ଟ୍ରଷ୍ଟ ବୋର୍ଡର ଏକ ବୈଠକରେ ଏହି ଯାତ୍ରା ବାତିଲ କରିବାକୁ ନିଷ୍ପତ୍ତି ନିଆଯାଇଛି। ପୌରାଣିକ କଥାବସ୍ତୁକୁ ଆଧାର କଲେ ଅମରନାଥ ଯାତ୍ରା ଶେଷ ହେବାକୁ ୧୫ ଦିନ ବାକି ଅଛି।

ବାର୍ଷିକ ତୀର୍ଥଯାତ୍ରା ଶ୍ରାବଣ ପୂର୍ଣ୍ଣିମାରେ (ରାକ୍ଷୀପୂର୍ଣ୍ଣିମା) ସମ୍ପନ୍ନ ହୋଇଥାଏ | ଏହା ପରେ ପବିତ୍ର ଗୁମ୍ଫା ବନ୍ଦ ହୋଇଥାଏ | ତେବେ ଏଥର ଏହି ଯାତ୍ରା ୨୩ ଜୁନ୍ ରୁ ଆରମ୍ଭ ହେବାର ଥିଲା କିନ୍ତୁ କରୋନା ସଂକ୍ରମଣ ହେତୁ ପଞ୍ଜୀକରଣ ଆରମ୍ଭ ହୋଇପାରି ନଥିଲା |

To keep the religious sentiments alive, Board shall continue live telecast/virtual darshan of morning & evening aarti. The traditional rituals shall be carried out as per past practice. Chhadi Mubarak shall be facilitated by the Govt: Raj Bhavan, Government of Jammu & Kashmir https://t.co/Y55JwOLgxN

— ANI (@ANI) July 21, 2020

ପରେ ନିଷ୍ପତ୍ତି ନିଆଯାଇଥିଲା ଯେ ଯାତ୍ରା ଜୁଲାଇ ୨୧ କରାଯାଇପାରିବ | କିନ୍ତୁ ଜୁଲାଇରେ କରୋନା ସଂକ୍ରମଣର ମାତ୍ରା ବଢିବା କାରଣରୁ ପ୍ରଶାସନ ଅମରନାଥ ଯାତ୍ରାକୁ ବାତିଲ କରିଛି | ତେବେ ଭକ୍ତଙ୍କ ଭାବନାକୁ ନଜରରେ ରଖି ଅମରନାଥଙ୍କର ଉଭୟ ସକାଳ ଓ ସନ୍ଧ୍ୟା ଧୂପ ଓ ଆଳତିର ସିଧାପ୍ରସାରଣ କରାଯିବ, ଯାହାକୁ ଭକ୍ତ ଲାଇଭ ଦେଖିପାରିବେ ବୋଲି କୁହାଯାଇଛି |