ଶ୍ରୀକେଦାରନାଥ ଧାମରେ ଦର୍ଶନ କରି ଏତିକି କୋଟି ଟଙ୍କାର ଦକ୍ଷିଣା ଦେଲେ ଅମ୍ବାନୀ ପରିବାର

ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ ମୁଖ୍ୟ ତଥା ଶିଳ୍ପପତି ମୁକେଶ ଅମ୍ବାନୀ ଗୁରୁବାର ଦିନ ଶ୍ରୀ ବଦ୍ରିନାଥ ଏବଂ ଶ୍ରୀ କେଦାରନାଥ ଧାମ ଗସ୍ତରେ ଯାଇ ଦର୍ଶନ କରିଛନ୍ତି | ଏହି ସମୟରେ ତାଙ୍କ ପୁଅ ଅନନ୍ତ ଅମ୍ବାନୀଙ୍କ ବାନ୍ଧବୀ ରାଧିକା ମର୍ଚାଣ୍ଟ ଏବଂ ଅନ୍ୟ ସମ୍ପର୍କୀୟମାନେ ମଧ୍ୟ ଉପସ୍ଥିତ ଥିଲେ। ଅମ୍ବାନୀ ପରିବାର ମନ୍ଦିରରେ ସ୍ୱତନ୍ତ୍ର ପୂଜାର୍ଚ୍ଚନା କରିଥିଲେ। ଏହା ପରେ ଅମ୍ବାନୀ ପରିବାର ମଧ୍ୟ ବଦ୍ରିନାଥ କେଦାରନାଥ ମନ୍ଦିର କମିଟି (ବି.କେ.ଟି.ସି) କୁ ୫ କୋଟି ଟଙ୍କାର ଚେକ୍ ଦାନ କରିଛନ୍ତି। ବଦ୍ରିନାଥ ଏବଂ କେଦାରନାଥରେ ପହଞ୍ଚିବା ପରେ ବିକେଟିସି ପକ୍ଷରୁ ମୁକେଶ ଅମ୍ବାନୀଙ୍କୁ ସ୍ୱାଗତ କରାଯାଇଥିଲା ।

ଅମ୍ବାନୀ ପ୍ରଥମେ ବଦ୍ରିନାଥ ଏବଂ ପରେ କେଦାରନାଥ ଧାମରେ ​​ପହଞ୍ଚିଥିଲେ | ମନ୍ଦିରରେ ଦର୍ଶନ ପରେ ଅମ୍ବାନୀ ଵିକେଟିସିକୁ ୫ କୋଟି ଟଙ୍କା ଦାନ କରିଛନ୍ତି। ସେ ଏହି ରାଶି ଵିକେଟିସି ସଭାପତି ଅଜେନ୍ଦ୍ର ଅଜୟଙ୍କୁ ପ୍ରଦାନ କରିଥିଲେ। ତେବେ ଲୋକମାନେ ତାଙ୍କୁ ଦେଖିବା ପାଇଁ ରାସ୍ତାର ଉଭୟ ପାର୍ଶ୍ୱରେ ଏକାଠି ହୋଇଥିଲେ। ଏହି ସମୟରେ ମୁକେଶ ଅମ୍ବାନୀ ଦୁଇ ହାତ ଯୋଡି ଅଭିବାଦନ ଜଣାଇଥିଲେ। ତେବେ ମୁକେଶ ଅମ୍ବାନୀ ଓ ପରିବାରଙ୍କ ଦର୍ଶନକୁ ଦୃଷ୍ଟିରେ ରଖି କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା |