କରୋନା ପଜିଟିଭଙ୍କର ଆମ୍ବୁଲାନ୍ସରେ ମୃତ୍ୟୁ ହେବା ପରେ ଛାଡି ପଳାଇଲେ କର୍ମଚାରୀ
ପାଟନା: କରୋନା ମହାମାରୀର ଭୟ ମଧ୍ୟରେ କେତେକ ଲୋକଙ୍କ ମଧ୍ୟରେ ଥିବା ମାନବିକତାକୁ ନଷ୍ଟ କରିଦେଇଛି | ବିହାରର ସୁପୋଲରେ ଚିକିତ୍ସିତ ହେବାକୁ ଯାଉଥିବା କରୋନା ସଂକ୍ରମିତଙ୍କ ମୃତ୍ୟୁ ପରେ ସ୍ୱାସ୍ଥ୍ୟ କର୍ମୀମାନେ ଆମ୍ବୁଲାନ୍ସ ଛାଡି ପଳାଇଥିଲେ। ମିଳିଥିବା ସୂଚନା ମୁତାବକ ଜନୈକ ବ୍ୟକ୍ତିଙ୍କ ସହ ତାଙ୍କ ପତ୍ନୀ କରୋନା ପଜିଟିଭ ଜଣାପଡିବା ପରେ ଉଭୟଙ୍କୁ ମେଡିକାଲକୁ ନିଆଯାଉଥିଲା | ତେବେ ଅଧାବାଟରେ ତାଙ୍କ ସ୍ୱାମୀଙ୍କର ମୃତ୍ୟୁ ହୋଇଯାଇଥିଲା |
Sambad is now on WhatsApp
Join and get latest news updates delivered to you via WhatsApp
ଆଉ ବ୍ୟକ୍ତିଜଣଙ୍କର ମୃତ୍ୟୁ ହେବା ପରେ ସେହି ଆମ୍ବୁଲାନ୍ସରେ ଉପସ୍ଥିତ ସ୍ୱାସ୍ଥ୍ୟ କର୍ମୀମାନେ ଏତେ ଭୟଭୀତ ହୋଇଥିଲେ ଯେ ସେମାନେ ଆମ୍ବୁଲାନ୍ସ ଛାଡି ପଳାଇ ଯାଇଥିଲେ। ଏହି ଘଟଣା ସମ୍ପର୍କରେ ସୂଚନା ଦେଇ ସବ-ଡିଭିଜନାଲ ହସ୍ପିଟାଲର ଅଧୀକ୍ଷକ ଡାକ୍ତର ଆରପି ସିହ୍ନା କହିଛନ୍ତି ଯେ କରୋନା ପୀଡିତଙ୍କୁ ଚାତପୁର ମେଡିକାଲରେ ଭର୍ତ୍ତି କରାଯାଇଥିଲା |
ତେବେ ଅବସ୍ଥା ଗୁରୁତର ହେବାରୁ ତାଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଉଥିଲା | ତେବେ ତାଙ୍କର ଆମ୍ବୁଲାନ୍ସରେ ମୃତ୍ୟୁ ହୋଇଯାଇଥିଲା | ବଡ କଥା ଯେ ବ୍ୟକ୍ତିଙ୍କ ମୃତ୍ୟୁ ପରେ ତାଙ୍କ ପତ୍ନୀ ଆମ୍ବୁଲାନ୍ସରେ ଏକୁଟିଆ ବସିଥିବାବେଳେ କେହି ତାଙ୍କୁ ପଚାରିବାକୁ ଆସି ନଥିଲେ। ଜଣେ ବ୍ୟକ୍ତିଙ୍କ ମୃତ୍ୟୁ ପରେ କିଭଳି ଆମ୍ବୁଲାନ୍ସ କର୍ମଚାରୀଙ୍କ ମାନବିକତା ବି ମରିଯାଇଛି ତାହା ଏହି ଘଟଣାରୁ ଜଣାପଡିଛି |