ଭାରତୀୟ ସଙ୍ଗୀତରେ ଝୁମିଲେ ଆମେରିକୀୟ ସୈନ୍ୟ

ନୂଆଦିଲ୍ଲୀ: ଆମେରିକାର ମେକକୋରଡ଼ରେ ଚାଲିଥିବା ଭାରତ ଓ ଆମେରିକା ସୈନିକଙ୍କ ମିଳିତ ଯୁଦ୍ଧାଭ୍ୟାସରେ ଆଜି ଏକ ଭିନ୍ନ ଦୃଶ୍ୟ ଦେଖିବାକୁ ମିଳିଛି | ଆଜି ଦୁଇ ଦେଶର ସୈନିକ ଭାରତୀୟ ସଙ୍ଗୀତରେ ଝୁମୁଥିବାର ଦେଖିବାକୁ ମିଳିଛି | ଆସାମ ରେଜିମେଣ୍ଟର ମାର୍ଚିଙ୍ଗ ଗୀତ ‘ବଦଲୁରାମ କା ବଦନ’ ଗୀତରେ ଆମେରିକୀୟ ସୈନିକମାନେ ନୃତ୍ୟ କରୁଥିବାର ଦେଖିବାକୁ ମିଳିଛି |

ଏହି ଗୀତ ସହ ଭାରତୀୟ ଯବାନଙ୍କର ଖାସ ସମ୍ପର୍କ ରହିଛି | ଏହି ଗୀତ ପଛରେ ଏମିତି ଏକ ପ୍ରେରଣାଦାୟୀ କାହାଣୀ ଲୁଚି ରହିଛି, ଯାହାକି ଭାରତୀୟ ଯବାନଙ୍କୁ ସବୁବେଳେ ପ୍ରେରଣା ଦିଏ |

#WATCH Indian and American soldiers sing and dance on the Assam Regiment’s marching song ‘Badluram ka badan zameen ke neeche hai’ during Exercise ‘Yudhabhyas’ being carried out at Joint Base Lewis, McChord in the United States of America pic.twitter.com/6vTuVFHZMd

— ANI (@ANI) September 15, 2019

ଏହି ଗୀତ ଦ୍ଵିତୀୟ ବିଶ୍ୱଯୁଦ୍ଧ ସମୟରେ ଜାପାନୀ ସେନା ସହ ସଂଘର୍ଷ କରୁଥିବାବେଳେ ସହିଦ ହୋଇଥିବା ରାଇଫଲମ୍ୟାନ ବଦଲୁରାମଙ୍କୁ ସମର୍ପିତ କରାଯାଇଛି | ଆସାମ ରେଜିମେଣ୍ଟ ଗତ ୭୦ ବର୍ଷ ଧରି ଏହି ଗୀତ ଗାଇ ଆସୁଥିବାବେଳେ ଆମେରିକାରେ ମଧ୍ୟ ଯବାନ ମାନେ ମଧ୍ୟ ଏହି ଗୀତରେ ଝୁମିଛନ୍ତି |