ସାତ ମାସରେ ୧୭ ଶହରୁ ଅଧିକ ଭାରତୀୟଙ୍କୁ ଦେଶରୁ କାଢ଼ିଦେଇଛି ଆମେରିକା

ନୂଆଦିଲ୍ଲୀ: ଆମେରିକା ଏପର୍ଯ୍ୟନ୍ତ ୭ ମାସ ମଧ୍ୟରେ ଅର୍ଥାତ୍ ୨୦୨୫ ମସିହାରେ ୧୪୧ ଜଣ ମହିଳା ସମେତ ୧୭୦୩ ଜଣ ଭାରତୀୟ ନାଗରିକଙ୍କୁ ଦେଶରୁ ବାହାର କରିସାରିଛି। ଶୁକ୍ରବାର ଲୋକସଭାରେ ଏହି  ସୂଚନା ଦେଇଛନ୍ତି ବିଦେଶ ରାଜ୍ୟ ମନ୍ତ୍ରୀ  କିର୍ତ୍ତୀ  ବର୍ଦ୍ଧନ ସିଂ।

ସିଂହ କହିଛନ୍ତି ଯେ ୨୦୨୦ ରୁ ୨୦୨୪ ମଧ୍ୟରେ ୫,୫୪୧ ଜଣ ଭାରତୀୟଙ୍କୁ ଆମେରିକାରୁ ଭାରତ ଫେରାଇ ପଠାଯାଇଛି। ଚଳିତ ବର୍ଷ (୨୦୨୫) ଜୁଲାଇ ୨୨ ସୁଦ୍ଧା ଆମେରିକାରୁ ନିର୍ବାସିତ ହୋଇଥିବା ଭାରତୀୟଙ୍କ ସଂଖ୍ୟା ୧,୭୦୩। 

ଏହା ସହିତ, ସେ ଏହା ମଧ୍ୟ କହିଥିଲେ ଯେ ଗତ ପାଞ୍ଚ ବର୍ଷ (୨୦୨୦-୨୦୨୪) ମଧ୍ୟରେ ବ୍ରିଟେନରୁ ୩୧୧ ଜଣ ଭାରତୀୟଙ୍କୁ ନିର୍ବାସିତ କରାଯାଇଥିଲା, ଯେତେବେଳେ ୨୦୨୫ ରେ ବର୍ତ୍ତମାନ ପର୍ଯ୍ୟନ୍ତ ଏହି ସଂଖ୍ୟା ୧୩୧।

ସରକାରୀ ତଥ୍ୟ ଅନୁସାରେ ୧୭୦୩ ଭାରତୀୟଙ୍କ ମଧ୍ୟରୁ ସବୁଠାରୁ ଅଧିକ ୬୨୦ କେବଳ ପଞ୍ଜାବରୁ ରହିଛନ୍ତି । ଏହା ପରେ ହରିୟାଣାରୁ ୬୦୪, ଗୁଜୁରାଟରୁ ୨୪୫ ଏବଂ ଜାମ୍ମୁକଶ୍ମୀରରୁ ୧୦ ଜଣଙ୍କୁ ଆମେରିକାରୁ ବାହାର କରାଯାଇଛି । ମନ୍ତ୍ରୀ କିର୍ତ୍ତୀ  ବର୍ଦ୍ଧନଙ୍କ ସୂଚନା ଅନୁସାରେ ଯେଉଁ ୧୭୦୩ ଭାରତୀୟଙ୍କୁ ଆମେରିକାରୁ ଡିପୋର୍ଟ କରାଗଲା ସେମାନଙ୍କ ମଧ୍ୟରୁ ୧୫୬୨ ପୁରୁଷ  ଥିବା ବେଳେ  ୧୪୧ ମହିଳା ଅଛନ୍ତି ।