ସୀମା ଡେଇଁଲା ଶୁଳ୍କ ଯୁଦ୍ଧ: ରାଗିଗଲେ ଟ୍ରମ୍ପ୍, ଚୀନ ଉପରେ ଲଗାଇଲେ ୧୨୫% ଟାରିଫ୍

ନୂଆଦିଲ୍ଲୀ: ଉଗ୍ର ହେଉଛି ଆମେରିକା-ଚୀନ ଟାରିଫ ୱାର । ସୀମା ଡେଇଁଲା ଦୁଇ ଦେଶ ମଧ୍ୟରେ ଚାଲିଥିବା ଶୁଳ୍କ ଯୁଦ୍ଧ । ଯେସା କୁ ତେସା ନୀତି ଆପଣାଉଥିବା ଚୀନ ଏବଂ ଆମେରିକା କେହି କାହାକୁ ନଛୋଡବନ୍ଧା । ଜଣେ ଟାରିଫ ବଢାଇ ଦେଲେ ଆଉ ଜଣେ ଡବଲ ଟାରିଫ ବଢାଇ ଦେଉଥିବା ଦେଖିବାକୁ ମିଳୁଛି । 

ତେବେ ଚୀନ ଆମେରିକା ଉପରେ ୮୪ ପ୍ରତିଶତ ଟାରିଫ ଘୋଷଣା ପରେ ରାଗିଗଲେ ଟ୍ରମ୍ପ ଆଉ ପାଲଟା ଭାବେ ଏକାଥରେ ୧୨୫ ପ୍ରତିଶତ ଟାରିଫ କଷିଛନ୍ତି । ପୂର୍ବରୁ ୧୦୪ ପ୍ରତିଶତ ଚୀନ ଉପରେ ଶୁଳ୍କ ଲଗାଇଥିବା ବେଳେ ବେଜିଂ ଉପରେ ନିଜ ରାଗ ଶୁଝାଇବାକୁ ଯାଇ ୧୨୫ ପ୍ରତିଶତ ଲଗାଇଛନ୍ତି । ଅନ୍ୟପଟେ ଭାରତ ସମେତ ୭୫ ଦେଶକୁ ମିଳିଛି ଆଶ୍ବସ୍ତି । ଏସବୁ ଦେଶକୁ ୯୦ ଦିନିଆ ରିହାତି ମିଳିଥିବା ବେଳେ ୩ ମାସ ଯାଏଁ ଏସବୁ ଦେଶ କେବଳ ୧୦ ପ୍ରତିଶତ ଶୁଳ୍କ ଦେବେ ।