ମାଓ ଆକ୍ରମଣରେ ଛତିଶଗଡ଼ ବିଜେପି ବିଧାୟକଙ୍କ ମୃତ୍ୟୁ ମାମଲା : ରାଜନୈତିକ ଷଡ଼ଯନ୍ତ୍ର ଅଭିଯୋଗ ଆଣିଲେ ଅମିତ ଶାହା
ରାୟପୁର : କିଛି ଦିନ ତଳେ ଛତିଶଗଡ଼ର ଦାନ୍ତେଓ୍ବାଡାଠାରେ ମାଓବାଦୀଙ୍କ ବୋମା ବିସ୍ଫୋରଣରେ ବିଜେପି ବିଧାୟକ ଭୀମା ମାଣ୍ଡାଭୀଙ୍କ ପରଲୋକ ହୋଇଥିଲା । କିନ୍ତୁ ଆଜି ଏହି ମାମଲାରେ ଏକ ସାଙ୍ଘାତିକ ଆରୋପ ଲଗାଇଛନ୍ତି ବିଜେପି ଅଧ୍ୟକ୍ଷ ଅମିତ ଶାହା । ସେ କହିଛନ୍ତି ଯେ ଏହି ଘଟଣା ପଛରେ ରାଜନୈତିକ ଷଡ଼ଯନ୍ତ୍ର ରହିଛି । ଏହା ସହିତ ସେ ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କ ଆଡକୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି । ଏହି ଘଟଣାର ସିବିଆଇ ତଦନ୍ତ କରାଯାଉ ବୋଲି ସେ ଦାବି କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ମଙ୍ଗଳବାରଦିନ ରାଜ୍ୟର ଦାନ୍ତେଓ୍ଵାଡ଼ା ଜିଲ୍ଲାର କୁଆଗୁଡ଼ା ନାମକ ସ୍ଥାନରେ ମାଓବାଦୀମାନେ ଇମ୍ପ୍ରୋଭାଇଜଡ ଏକ୍ସପ୍ଲୋସିଭ ଡିଭାଇସ (ଆଇଇଡି) ବିସ୍ଫୋରଣ କରିବା ଫଳରେ ବିଜେପି ବିଧାୟକ ଭୀମା ମଣ୍ଡାଭୀ ନିହତ ହୋଇଥିଲେ । ଏହା ସହିତ ତାଙ୍କ ସହିତ ଥିବା ୪ ଜଣ ଯବାନ ସହିଦ ହୋଇଥିଲେ । ବିଧାୟକ ଭୀମା ମଣ୍ଡାଭୀଙ୍କ ନିର୍ବାଚନ ପ୍ରଚାର ପାଇଁ ଯାଉଥିବାବେଳେ ଏହି ବିସ୍ଫୋରଣ ହୋଇଥିଲା ।