ମହାନାୟକ ଅମିତାଭ ପାଇବେ ଦାଦା ସାହେବ ଫାଲକେ ପୁରସ୍କାର
ମୁମ୍ବାଇ: ଶତାବ୍ଦୀର ମହାନାୟକ ଅମିତାଭ ବଚ୍ଚନଙ୍କୁ ଦିଆଯିବ ଚଳିତ ବର୍ଷର ଦାଦା ସାହେବ ଫାଲକେ ପୁରସ୍କାର | କେନ୍ଦ୍ର ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରାଳୟ ପକ୍ଷରୁ ଏନେଇ ସୂଚନା ଦିଆଯାଇଛି | କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର ବଲିଉଡର କିମ୍ବଦନ୍ତୀ ପୁରୁଷ ଅମିତାଭ ବଚ୍ଚନଙ୍କୁ ସର୍ବସମ୍ମତିକ୍ରମେ ଦାଦା ସାହେବ ଫାଲକେ ପୁରସ୍କାର ଦିଆଯିବା ବିଷୟ ଟୁଇଟ୍ କରି ଜଣାଇଛନ୍ତି | ଭାରତୀୟ ଚଳଚ୍ଚିତ୍ର ଜଗତର ଶ୍ରେଷ୍ଠ ପୁରସ୍କାର ଭାବେ ସ୍ବୀକୃତ ଏହି ପୁରସ୍କାରକୁ ଅମିତାଭଙ୍କୁ ଜୀବନବ୍ୟାପି ଅବଦାନ ପାଇଁ ପ୍ରଦାନ କରାଯିବାକୁ ନିଷ୍ପତ୍ତି ହୋଇଛି।
Sambad is now on WhatsApp
Join and get latest news updates delivered to you via WhatsApp
The legend Amitabh Bachchan who entertained and inspired for 2 generations has been selected unanimously for #DadaSahabPhalke award. The entire country and international community is happy. My heartiest Congratulations to him.@narendramodi @SrBachchan pic.twitter.com/obzObHsbLk
— Prakash Javadekar (@PrakashJavdekar) September 24, 2019
କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର ନିଜ ଟୁଇଟରେ ଲେଖିଛନ୍ତି, ଅମିତାଭଙ୍କୁ ଏହି ପୁରସ୍କାର ଦିଆଯିବା ଖବର ନେଇ ସମଗ୍ର ଦେଶ ଓ ଅନ୍ତର୍ଜାତୀୟ ସମୁଦାୟ ଖୁବ୍ ଖୁସୀ। ଏହି ଅବସରରେ ତାଙ୍କୁ ମୋର ଶୁଭେଚ୍ଛା। ଏହି ଟୁଇଟକୁ ସେ ପ୍ରଧାନମନ୍ତ୍ରୀ ମୋଦୀ ଓ ଅମିତାଭ ବଚ୍ଚନଙ୍କୁ ଟ୍ୟାଗ କରିଛନ୍ତି। ଏଠାରେ ସୂଚନା ଥାଉ କି ଏହି ପୁରସ୍କାର ୧୯୬୯ ମସିହାରୁ ଦିଆଯାଇଆସୁଛି |
ଭାରତୀୟ ସିନେମା ପ୍ରତି ଦାଦା ସାହେବ ଫାଲକେଙ୍କ ସ୍ମୃତିକୁ ମନେପକାଇ ଏହି ପୁରସ୍କାର ଦିଆଯାଇଆସୁଛି | ଫାଲକେ ଫାଦର ଅଫ ଇଣ୍ଡିଆନ ସିନେମା ଭାବେ ପରିଚିତ ହୋଇଥିବାବେଳେ ୧୯୧୩ ମସିହାରେ ଭାରତର ପ୍ରଥମ ଫିଚର ଫିଲ୍ମ ‘ରାଜା ହରିଶ୍ଚନ୍ଦ୍ର’ ର ସେ ନିର୍ଦ୍ଦେଶନା ଦେଇଥିଲେ | ପୂର୍ବରୁ ରାଜ କପୁର, ଲତା ମଙ୍ଗେସକର, ଭୂପେନ ହଜାରିକା, ଦିଲ୍ଲୀପ କୁମାର, ବି.ଆର ଚୋପ୍ରା, ଆଶା ଭୋସଲେ, ୟସ ଚୋପ୍ରା, ଦେବ ଆନନ୍ଦ, ମାନ୍ନା ଦେ, ପ୍ରାନ, ଗୁଲଜାର, ଶଶୀ କପୁର, ମନୋଜ କୁମାର ଓ ବିନୋଦ କୁମାରଙ୍କୁ ଏହି ପୁରସ୍କାରରେ ସମ୍ମାନିତ କରାଯାଇଥିଲା |