ଅମିତାଭଙ୍କ ଝିଅ ଏବଂ ନାତୁଣୀ କେବିସିରେ ୨୫ ଲକ୍ଷ ଜିତିଲେ

ନୂଆଦିଲ୍ଲୀ : ବଲିଉଡ ମେଗାଷ୍ଟାର ଅମିତାଭ ବଚ୍ଚନଙ୍କ ଝିଅ ଶ୍ବେତା ବଚ୍ଚନ ଏବଂ ନାତୁଣୀ ନବ୍ୟା ନବେଲି ଗତକାଲି କୌନ ବନେଗା କରୋଡ୍‌ପତି-୧୩ର ଏକ ଏପିସୋଡ୍‌ରେ ୨୫ ଲକ୍ଷ ଜିତିଛନ୍ତି। ଅମିତାଭ ଏଥିପାଇଁ ଉଭୟଙ୍କୁ ଅଭିନନ୍ଦନ ଜଣାଇଥିଲେ।

ଶ୍ବେତା ବଚ୍ଚନ ଏବଂ ନବ୍ୟା ନବେଲି କୌନ ବନେଗା କରୋଡ୍‌ପତି ୧୩ତମ ପ୍ରଶ୍ନର ସଠିକ୍‌ ଉତ୍ତର ଦେଇ ୨୫ କୋଟି ଜିତିପାରିଛନ୍ତି। ସେମାନଙ୍କ ପାଇଁ ପ୍ରଶ୍ନ ଥିଲା ସ୍ବାଧୀନତା ସଂଗ୍ରାମ ସମୟରେ ଏହି ନେତାମାନଙ୍କ (ଅରୁଣା ଆସଫ ଅଲି, ଭିକାଜି କାମା, ପଣ୍ଡିତ ରାମବାଇ ସରସ୍ବତୀ, ବିଜୟ ଲକ୍ଷ୍ମୀ ପଣ୍ଡିତ)ମଧ୍ୟରୁ କିଏ ଗ୍ରାଣ୍ଡ୍‌ ଓଲ୍ଡ୍‌ ଲେଡି ଭାବେ ପରିଚିତ ଥିଲେ। ଏହାର ସଠିକ୍‌ ଉତ୍ତର ଥିଲା ଅରୁଣା ଆସଫ୍‌ ଅଲି।