ସ୍ବତନ୍ତ୍ର ଖାଲସା ରାଜ୍ୟର ସ୍ବପ୍ନ ଦେଖିବା ଅପରାଧ ନୁହେଁ : ଅମୃତପାଲ ସିଂ

ନୂଆଦିଲ୍ଲୀ: ଲୋକସଭାରେ ସାଂସଦ ଭାବେ ଶପଥ ନେବାର ଗୋଟିଏ ଦିନ ପରେ ଜେଲରେ ଥିବା ଖଲିସ୍ତାନୀ ଅମୃତପାଲ ସିଂହ ରବିବାର ପୁଣି ଥରେ ଭାରତ ବିରୋଧରେ ବିଷ ଓଗାଳିଛି । ସେ କହିଛି ଯେ ଖାଲସା ରାଜ୍ୟର ସ୍ୱପ୍ନ ଦେଖିବା ଅପରାଧ ନୁହେଁ। ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ତାଙ୍କ ଟିମ୍ ଦ୍ୱାରା ଜାରି କରାଯାଇଥିବା ଏକ ବିବୃତ୍ତିରେ ଅମୃତପାଲ ସିଂହ ତାଙ୍କ ମା'ଙ୍କ ନିକଟରେ ଦେଇଥିବା ମନ୍ତବ୍ୟ ବିଷୟରେ ମଧ୍ୟ କହିଛନ୍ତି ଯେଉଁଥିରେ ସେ ଦାବି କରିଛନ୍ତି ଯେ ତାଙ୍କ ପୁଅ ଖଲିସ୍ତାନୀ ସମର୍ଥକ ନୁହେଁ ଏବଂ ତାଙ୍କୁ ମୁକ୍ତ କରାଯାଉ।

ଜୁଲାଇ ୬ ତାରିଖରେ ଯେତେବେଳେ ମୁଁ ମୋ ମା' ଦେଇଥିବା ବୟାନ ବିଷୟରେ ଜାଣିବାକୁ ପାଇଲି, ସେତେବେଳେ ମୋତେ ଦୁଃଖ ଲାଗିଥିଲା । ମୁଁ ନିଶ୍ଚିତ ଯେ ଏହି ବୟାନ ମୋ ମା' ଅଜାଣତରେ ଦେଇଥିଲେ, କିନ୍ତୁ ତଥାପି ଏପରି ବୟାନ ମୋ ପରିବାର କିମ୍ବା ମୋତେ ସମର୍ଥନ କରୁଥିବା କାହାଠାରୁ ଆସିବା ଉଚିତ ନୁହେଁ । ଏହା ଗର୍ବର ବିଷୟ। ଯେଉଁ ରାସ୍ତା ପାଇଁ ଲକ୍ଷ ଲକ୍ଷ ଶିଖ୍ ବଳିଦାନ ଦେଇଛନ୍ତି, ସେହି ରାସ୍ତାରୁ ଫେରିବାକୁ ଆମେ ସ୍ୱପ୍ନରେ ବି ଭାବିପାରୁନାହୁଁ। ଯଦି ପରିବାର ଓ ପନ୍ଥ ( ସଂପ୍ରଦାୟ) ମଧ୍ୟରୁ ଗୋଟିକୁ ବାଛିବାକୁ ପଡ଼େ ମୁଁ ପନ୍ଥକୁ ହିଁ ବାଛିବି ।