ଚଣ୍ଡିଗଡ଼: ଖଲିସ୍ତାନ ସମର୍ଥକ ପ୍ରଚାରକ ଅମୃତପାଲ ସିଂହ ସଂପର୍କରେ କେତେକ ଚାଞ୍ଚଲ୍ୟକର କଥା ଜାଣିବାକୁ ପାଇଛନ୍ତି ତଦନ୍ତକାରୀ ଦଳ । ସେ ଆଇଏସଆଇ ସଂପର୍କରେ ଥିଲା ଓ ସେଠାରୁ ଅସ୍ତ୍ରଶସ୍ତ୍ର ଓ ଅର୍ଥ ପାଉଥିଲା । ନିଶାମୁକ୍ତି କେନ୍ଦ୍ର ଓ ଗୁରୁଦ୍ୱାରକୁ ବ୍ୟବହାର କରି ସେଠାରେ ଅସ୍ତ୍ରଶସ୍ତ୍ର ମହଜୁଦ ରଖିବା ସହ ଯୁବକମାନଙ୍କୁ ଆତ୍ମଘାତୀ ଆକ୍ରମଣ ପାଇଁ ପ୍ରସ୍ତୁତ କରୁଥିଲା ।
Sambad is now on WhatsApp
Join and get latest news updates delivered to you via WhatsApp
ସୁରକ୍ଷା ବଳ ଦ୍ବାରା ପ୍ରସ୍ତୁତ ରିପୋର୍ଟରେ ଦାବି କରାଯାଇଛି ଯେ ସିଂହ ମୁଖ୍ୟତଃ ଯୁବକମାନଙ୍କୁ ‘ଖଡ଼କୁସ’ ବା ମାନବ ବୋମା ତିଆରି କରିବାକୁ ପ୍ରସ୍ତୁତ କରୁଥିଲା । ପାକିସ୍ତାନର ଗୁଇନ୍ଦା ଏଜେନ୍ସି ଆଇଏସଆଇ ଏବଂ ବିଦେଶରେ ରହୁଥିବା ଖଲିସ୍ତାନୀ ସମର୍ଥକଙ୍କ ନିର୍ଦ୍ଦେଶରେ ସେ ଗତବର୍ଷ ଦୁବାଇରୁ ଭାରତ ଫେରିଥିଲା । ଶନିବାର ପଞ୍ଜାବ ସରକାର ତାଙ୍କ ‘ଓ୍ଵାରିସ୍ ପଞ୍ଜାବ ଦେ’ ସଂଗଠନ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପରଠାରୁ ଏହି ସ୍ୱୟଂଘୋଷିତ ପ୍ରଚାରକ ଫେରାର ଅଛି । ତେବେ ତା’ ସଂଗଠନର ୭୮ ଜଣ ସଦସ୍ୟଙ୍କୁ ଗିରଫ କରାଯାଇଛି ।
ପୁଲିସ ପକ୍ଷରୁ ଯାଞ୍ଚ ବେଳେ ଅମୃତପାଲ୍ ଦ୍ୱାରା ଗଠିତ ତଥାକଥିତ ଆନନ୍ଦପୁର ଖାଲସା ଫ୍ରଣ୍ଟ (ଏକେଏଫ୍) ପାଇଁ ଅଣାଯାଇଥିବା ଅସ୍ତ୍ରଶସ୍ତ୍ର ଜବତ କରାଯାଇଛି । ଏହା ସହିତ ପୁଲିସ ୟୁନିଫର୍ମ ଓ ଜ୍ୟାକେଟ୍ ମଧ୍ୟ ଜବତ କରିଛି । ପୁଲିସ କହିବା ଅନୁଯାୟୀ କେତେକ ଉଗ୍ରବାଦୀ ଶିଖ୍ ପ୍ରଚାରକଙ୍କ କାରରୁ ଅସ୍ତ୍ରଶସ୍ତ୍ର ଓ ଗୋଳାବାରୁଦ ଜବତ କରାଯାଇଛି, ଯେଉଁଥିରେ ‘ଏକେଏଫ୍’ ଚିହ୍ନ ରହିଛି ।