ଇସଲାମାବାଦ: ପହଲଗାମ୍ ଆତଙ୍କୀ ହମଲାକୁ ନେଇ ଭାରତ ପାକିସ୍ତାନ ଉପରେ ଆକ୍ସନ ପରେ ଆକ୍ସନ ନେଉଥିବା ବେଳେ ଏବେ ପାକିସ୍ତାନରୁ ଆସିଛି ବଡ଼ ଖବର । ଭୂକମ୍ପରେ ଥରିଲା ପାକିସ୍ତାନ । ପାକିସ୍ତାନରେ ଭୂକମ୍ପର ଝଟକା । ରିକ୍ଟଟ ସ୍କେଲରେ ଭୂକମ୍ପର ତୀବ୍ରତା ୪.୪ ରେକର୍ଡ । ଭୂକମ୍ପ ନେଇ ସ୍ପଷ୍ଟ କରିଛି ଏନସିଏସ । ଭୂକମ୍ପରେ ଏଯାଏଁ କ୍ଷୟକ୍ଷତିର କୌଣସି ଖବର ନାହିଁ ।

Advertisment

ସେପଟେ ଭାରତ ଭୟରେ ପାକିସ୍ତାନ ଥରୁଥିବା ବେଳେ ଏବେ ଭୂକମ୍ପରେ ଥରିଛି । ଇତିମଧ୍ୟରେ ପାକିସ୍ତାନକୁ ପୁଣି ପାନେ ଦେଲା ଭାରତ । ପହଲଗାମ୍ ଆତଙ୍କୀ ହମଲାର ପ୍ରତିଶୋଧ ନେବାକୁ ପାକିସ୍ତାନ ଉପରେ ପୁଣି ପ୍ରହାର ପକାଇଲା ଭାରତ । ପାକିସ୍ତାନ ପାଇଁ ଏୟାରସ୍ପେସ୍ ବନ୍ଦ କଲା ଭାରତ । ପାକିସ୍ତାନର ସବୁ ଉଡାଣ ଉପରେ ଲାଗିଲା କଟକଣା । 

ପାକିସ୍ତାନକୁ ମୁହଁତୋଡ ଜବାବ ଦେବାକୁ ନିଜର ସମସ୍ତ ଏୟାରସ୍ପେସ୍ ବନ୍ଦ କଲା ଭାରତ । ଏବେ ଭାରତ ଉପର ଦେଇ ଉଡିପାରିବନି କୌଣସି ବି ପାକିସ୍ତାନ ବିମାନ । ମେ ୨୩ ଯାଏଁ ଏୟାରସ୍ପେସ୍ ବନ୍ଦ । ପୂର୍ବରୁ ପାକିସ୍ତାନ ଭାରତ ପାଇଁ ନିଜ ଏୟାର ସ୍ପେସ୍ ବନ୍ଦ କରିଥିଲା ।