ନୂଆଦିଲ୍ଲୀ: ଅନେକ ସମୟରେ ଲୋକଙ୍କ ସୃଜନଶୀଳତାକୁ ପ୍ରଶଂସା କରିଥାନ୍ତି ମହିନ୍ଦ୍ରା କମ୍ପାନିର ଅଧ୍ୟକ୍ଷ ଆନନ୍ଦ ମହିନ୍ଦ୍ରା। ଟୁଇଟର ଜରିଆରେ ସେ ନିଜର ଭାବନା ବ୍ୟକ୍ତ କରିବା ସହ ଲୋକଙ୍କ ସୃଜଶୀଳତାର ଅନେକ ଚିତ୍ର ସେ ପୂର୍ବରୁ ଟୁଇଟ୍ ଜରିଆରେ ଦେଖାଇଛନ୍ତି। ଏବେ ସେ ପୁଣି ଥରେ ଜଣେ ରିକ୍ସା ଚାଳକଙ୍କ ପ୍ରଶଂସା କରି ଚର୍ଚ୍ଚାରେ ରହିଛନ୍ତି।

Advertisment

ସୂଚନା ମୁତାବକ, ନୀରଜ ପ୍ରତାପ ସିଂହ ନାମକ ଜଣେ ଟୁଇଟର ବ୍ୟବହାରକାରୀ ଏକ ରିକ୍ସାର ଫଟୋ ସେୟାର କରିଥିଲେ। ଯାହା ପଛ‌ରେ ମହିନ୍ଦ୍ରା କମ୍ପାନିର ଲୋଗୋ ଓଲଟା ଲାଗିଥିବାର ଦେଖାଯାଇଥିଲା। ଏହାକୁ ସେୟାର କରି ନୀରଜ ଥଟ୍ଟା କରିଥିବା ବେଳେ ଆନନ୍ଦ ମହିନ୍ଦ୍ରା ଏହାକୁ ରି-ଟୁଇଟ୍ କରି ରିକ୍ସା ଚାଳକର ପ୍ରଶଂସା କରିଥିଲେ। ମୋତେ ଲାଗୁଛି ଏହାକୁ ଦେଖି ଆପଣଙ୍କୁ ମଜା ଲାଗୁଥିବ। ଏହା ସତରେ ମଜାଦାର ମଧ୍ୟ। ଖାସ୍ କରି କମ୍ପାନିର ଲୋଗୋକୁ ଓଲଟା ଲଗାଯିବାର ଦୃଶ୍ୟ। କିନ୍ତୁ ମୁଁ ବହୁତ ଖୁସି। ଯଦି ଜଣେ ରିକ୍ସା ଚାଳକ ଆମ ବ୍ରାଣ୍ଡକୁ ପ୍ରେରଣା ଆକାରରେ ଦେଖୁଛି, ତେବେ ଆମେ ତାଙ୍କୁ ଆମ କମ୍ପାନିର ନୂଆ ଗାଡ଼ି ଉପହାର ଆକରରେ ଦେବୁ। ଯାହାଦ୍ବାରା ସେ ନିଜ ଜୀବନରେ ଆଗକୁ ବଢ଼ି ପାରିବେ ବୋଲି ଲେଖିଛନ୍ତି ଆନନ୍ଦ ମହିନ୍ଦ୍ରା।