ଆନ୍ଧ୍ର ପ୍ରଦେଶ: ବିଜୟନଗରମ୍ରେ ମୁହାଁମୁହିଁ ଧକ୍କା ହୋଇଥିବା ଦୁଇଟି ବସ୍ରେ ଧକ୍କା ଖାଇଲା ଟ୍ରକ୍, ୫ ମୃତ
ହାଇଦ୍ରାବାଦ: ସୋମବାର ସକାଳେ ସୁଙ୍କରି ପେଟା ନିକଟରେ ‘ଆନ୍ଧ୍ର ପ୍ରଦେଶ ରାଜ୍ୟ ସଡ଼କ ପରିବହନ ନିଗମ’ର ଏକ ବସ୍ ଅନ୍ୟ ଗୋଟାଏ ବସ୍ ସହ ଧକ୍କା ଖାଇବାରୁ ଅନ୍ୟୂନ ୫ଜଣ ବ୍ୟକ୍ତିଙ୍କର ମୃତ୍ୟୁ ଘଟିଛି ଓ ୩୦ରୁ ଅଧିକ ଯାତ୍ରୀ ଆହତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ଏକ ବସ୍ ସହ ସାମ୍ନାସାମ୍ନି ଧକ୍କା ଖାଇବା କ୍ଷଣି ‘ଆନ୍ଧ୍ର ପ୍ରଦେଶ ରାଜ୍ୟ ସଡ଼କ ପରିବହନ ନିଗମ’ର ଏହି ବସ୍ ପଛରେ ଗୋଟାଏ ଟ୍ରକ୍ ମଧ୍ୟ ଆସି ଧକ୍କା ଖାଇଲା। ଧକ୍କା ଯୋଗୁଁ ଉଭୟ ବସ୍ରେ ଯାତ୍ରା କରୁଥିବା ଯାତ୍ରୀମାନେ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ କେତେକ ଯାତ୍ରୀଙ୍କ ସ୍ୱାସ୍ଥ୍ୟାବସ୍ଥା ସଙ୍କଟାପନ୍ନ ହୋଇପଡ଼ିଛି।
ପ୍ରାପ୍ତ ସୂଚନା ଅନୁସାରେ, ରାସ୍ତା କଡ଼େ କଡ଼େ ପକାଯାଇଥିବା ଆବର୍ଜନାରେ ନିଆଁ ଲଗାଯାଇଥିଲା। ସେଥିରୁ ପ୍ରବଳ ଧୂଆଁ ବାହାରିବା କାରଣରୁ ରାସ୍ତାର ସେ ଅଞ୍ଚଳରେ ଦୃଶ୍ୟତା ହ୍ରାସ ପାଇଥିଲା। ତାହାହିଁ ବସ୍ ଦୁର୍ଘଟଣାର କାରଣ ବୋଲି କୁହାଯାଉଛି।
ଘଟଣାସ୍ଥଳରେ ତୁରନ୍ତ ଆମ୍ବୁଲାନ୍ସ୍, ପୁଲିସ ଏବଂ ‘ଆର୍ଟିସି’ କର୍ମଚାରୀମାନେ ପହଞ୍ଚି ଚିକିତ୍ସା ନିମନ୍ତେ ଆହତମାନଙ୍କୁ ଜିଲ୍ଲା କେନ୍ଦ୍ରୀୟ ଡାକ୍ତରଖାନାକୁ ପଠାଇଛନ୍ତି।