ମୋଦିଙ୍କୁ ମହିଷାସୁର ଓ ମମତାଙ୍କୁ ବେଙ୍ଗଲ ଦୁର୍ଗାଙ୍କ ସହ ତୁଳନା କରିବାରୁ ଆନ୍ଧ୍ର ମୁଖ୍ୟମନ୍ତ୍ରୀଙ୍କୁ ମାନସିକ ରୋଗୀ ବୋଲି କହିଲା ବିଜେପି
ନୂଆଦିଲ୍ଲୀ : ମୋଦି ହେଉଛନ୍ତି ମହିଷାସୁର ଓ ମମତା ହେଉଛନ୍ତି ବେଙ୍ଗଲ ଦୁର୍ଗା । ଏପରି ମନ୍ତବ୍ୟ ଦେଇଛନ୍ତି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ଚନ୍ଦ୍ରବାବୁ ନାଇଡୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମହିଷାସୁର ସହିତ ତୁଳନା କରିଛନ୍ତି ଏବଂ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଦେବୀ ଦୁର୍ଗାଙ୍କ ସହିତ ତୁଳନା କରିଛନ୍ତି । ପଶ୍ଚିମବଙ୍ଗର ଖଡପୁରଠାରେ ବାନାର୍ଜୀ ଏବଂ ଚନ୍ଦ୍ରବାବୁ ନାଇଡୁ ଗଠବନ୍ଧନ ସମ୍ପର୍କରେ ଚର୍ଚ୍ଚା ହୋଇଥିଲା । ତେବେ ସେହି ସମୟରେ ଚନ୍ଦ୍ରବାବୁ ଏପରି କହିଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ବର୍ତମାନ ସମୟରେ ଦେଶରେ ନିର୍ବାଚନ ଚାଲିଥିବା ସହ ଭାରତୀୟ ଜନତା ପାର୍ଟିକୁ ହରାଇ କେନ୍ଦ୍ରରେ ସରକାର ଗଠନ କରିବା ପାଇଁ ଦେଶର ଅନେକ ଆଞ୍ଚଳିକ ରାଜନୈତିକ ଦଳ ହାତ ମିଳାଇଛନ୍ତି । ତେବେ ଦେଶରେ ଶାନ୍ତି ପ୍ରତିଷ୍ଠା କରିବା ପାଇଁ ଦେବୀ ମହିଷାସୁରକୁ ହରାଇବେ ବୋଲି କହିଛନ୍ତି ଆନ୍ଧ୍ର ମୁଖ୍ୟମନ୍ତ୍ରୀ । ଏହି ପ୍ରତିକ୍ରିୟା ଗଣମାଧ୍ୟମରେ ଚର୍ଚ୍ଚା ହେବା ପରେ ବିଜେପି ଏହି ପ୍ରତିକ୍ରିୟାର କଡା ଯବାବ ରଖିଛି ।
ବିଜେପି କହିଛି ଯେ, ନାଇଡୁ ଏକ ମାନସିକ ରୋଗୀ ଅଟନ୍ତି ଏବଂ ନିର୍ବାଚନ ହାରିଜିବା ଭୟରେ ନାଇଡୁ ଏମିତି ବୟାନ ଦେଉଛନ୍ତି । ଏହାର ପ୍ରଭାବ ଦେଶବାସୀଙ୍କ ଉପରେ ପଡିବ ନାହିଁ । କାରଣ ସାରା ଦେଶରେ ଲୋକମାନେ ବିଜେପିକୁ ଭଲପାଇବା ସହ ମୋଦିଙ୍କ ଉପରେ ବିଶ୍ୱାସ ରଖିଛନ୍ତି । ଆଗାମୀ ଦିନରେ ବିଜେପି ପୁଣି ଥରେ ସରକାର ଗଢ଼ିବ ବୋଲି ବିଜେପି ନେତା ଦମ୍ଭୋକ୍ତି ଦେଖାଇଛନ୍ତି ।