ଶେଖ ହସିନାଙ୍କୁ ପଠାଅ : ଭାରତକୁ ବାଂଲାଦେଶର ପତ୍ର

ଢାକା: ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନାଙ୍କୁ ପ୍ରତ୍ୟର୍ପଣ କରିବାକୁ ଭାରତକୁ ଚିଠି ଲେଖିଛନ୍ତି ବାଂଲାଦେଶର ଅନ୍ତରୀଣ ସରକାର । ବାଂଲାଦେଶର ଅନ୍ତରୀଣ ସରକାରର ବୈଦେଶିକ ବ୍ୟାପାର ପରାମର୍ଶଦାତା ତୌହିଦ ହୁସେନ କହିଛନ୍ତି, ଆମେ ଭାରତ ସରକାରଙ୍କୁ ଜଣାଇଛୁ ଯେ ବାଂଲାଦେଶ ସରକାର ଚାହୁଁଛନ୍ତି ଯେ ଶେଖ୍ ହସିନା ନ୍ୟାୟିକ ପ୍ରକ୍ରିୟା ସମ୍ମୁଖୀନ ହେବା ପାଇଁ ବାଂଲାଦେଶ ଫେରି ଯାଆନ୍ତୁ।

ସୋମବାର ବାଂଲାଦେଶର ଗୃହ ପରାମର୍ଶଦାତା ଜାହାଙ୍ଗୀର ଆଲାମ କହିଛନ୍ତି ଯେ ତାଙ୍କ ମନ୍ତ୍ରଣାଳୟ ବୈଦେଶିକ ବ୍ୟାପାର ମନ୍ତ୍ରଣାଳୟକୁ ଚିଠି ଲେଖି ବହିଷ୍କୃତ ପ୍ରଧାନମନ୍ତ୍ରୀ ଶେଖ୍ ହସିନାଙ୍କୁ ଭାରତରୁ ଫେରାଇ ଆଣିବାକୁ ଅନୁରୋଧ କରିଛି। 

ସୋମବାର ବାଂଲାଦେଶର ଗୃହ ପରାମର୍ଶଦାତା ଜାହାଙ୍ଗୀର ଆଲାମ କହିଛନ୍ତି ଯେ ତାଙ୍କ ମନ୍ତ୍ରଣାଳୟ ବୈଦେଶିକ ବ୍ୟାପାର ମନ୍ତ୍ରଣାଳୟକୁ ଚିଠି ଲେଖି ବହିଷ୍କୃତ ପ୍ରଧାନମନ୍ତ୍ରୀ ଶେଖ୍ ହସିନାଙ୍କୁ ଭାରତରୁ ଫେରାଇ ଆଣିବାକୁ ଅନୁରୋଧ କରିଛି। 

୨୦୧୩ରେ ଭାରତ ଓ ବାଂଲାଦେଶ ସରକାରଙ୍କ ମଧ୍ୟରେ ପ୍ରତ୍ୟର୍ପଣ ଚୁକ୍ତି ସ୍ୱାକ୍ଷରିତ ହୋଇଥିଲା। ୨୦୧୩ ମସିହାରୁ ଭାରତ କଏଦୀ ଓ ଅଭିଯୁକ୍ତ କିମ୍ବା ପଳାତକ ଅଭିଯୁକ୍ତଙ୍କୁ 'ଅତିରିକ୍ତ ଅପରାଧ ମାମଲା'ରେ ପ୍ରତ୍ୟର୍ପଣ ପାଇଁ ଚୁକ୍ତି ସ୍ୱାକ୍ଷର କରିଥିଲା। ବାଂଲାଦେଶ ସରକାର କହିଛନ୍ତି ଯେ ଏହି ଚୁକ୍ତି ଅନୁଯାୟୀ ସେ ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନାଙ୍କୁ ପ୍ରତ୍ୟର୍ପଣ କରିବାକୁ ଚାହୁଁଛନ୍ତି। ତେବେ ପ୍ରତ୍ୟର୍ପଣ ଚୁକ୍ତିର ଏକ ଧାରାରେ କୁହାଯାଇଛି ଯେ ପ୍ରତ୍ୟର୍ପଣ ହେବାକୁ ଥିବା ବ୍ୟକ୍ତିଙ୍କ ବିରୋଧରେ ଆସିଥିବା ଅଭିଯୋଗ ରାଜନୈତିକ ପ୍ରକୃତିର ହେଲେ ଏହି ଅନୁରୋଧକୁ ଖାରଜ କରାଯାଇପାରେ।