ମୁମ୍ବାଇ: ଆଜିକାଲି ଅନେକ ବଡ଼ ବଡ଼ ଚଳଚ୍ଚିତ୍ରକୁ ନେଇ ଜବରଦସ୍ତ ଆଲୋଚନା ହେଉଛି। ଅନେକ ଚଳଚ୍ଚିତ୍ରର ସୁଟିଂ ଚାଲିଛି ଏବଂ ଅନେକ ରିଲିଜ୍ ପାଇଁ ପ୍ରସ୍ତୁତ ହୋଇସାରିଛି। ଏ ମଧ୍ୟରେ ନିକଟରେ ବଲିଉଡ ଅଭିନେତା ରଣବୀର କପୁରଙ୍କ ଫିଲ୍ମ ‘ଆନିମଲ’ର ଟିଜର ସାମ୍ନାକୁ ଆସିଥିଲା। ଏହି ଟିଜରରେ ରଣବୀର କପୁରଙ୍କ ଭିନ୍ନ ଲୁକ୍ ନଜର ଆସିଥିଲା। ଟିଜରରେ ରଣବୀର ସିଗାରେଟ ଟାଣୁଥିବା ସହ ତାଙ୍କର ଏକ ଭିନ୍ନ ଲୁକ୍ ଦେଖିବାକୁ ପାଇଥିଲେ ଦର୍ଶକ।

Advertisment

ଟିଜର ରିଲିଜ୍ ହେବା ପରେ ଦର୍ଶକ ଟ୍ରେଲରକୁ ଅପେକ୍ଷା କରି ରହିଥିଲେ। ଏବେ ସେହି ଅପେକ୍ଷାର ଅନ୍ତ ହେବାକୁ ଯାଉଛି। କାରଣ ଖୁବଶୀଘ୍ର ଫିଲ୍ମର ଟ୍ରେଲର ରିଲିଜ ହେବ ବୋଲି ଜଣାପଡ଼ିଛି। ଫିଲ୍ମ‌ରେ ରଣବୀରଙ୍କ ସହ କାମ କରିଥିବା ଅଭିନେତ୍ରୀ ରଶ୍ମିକା ମନ୍ଦନା ଏକ୍ସରେ ପୋଷ୍ଟ କରି ଏହି ଘୋଷଣା କରିଛନ୍ତି।

ରଶ୍ମିକାଙ୍କ ପୋଷ୍ଟ ମୁତାବକ, ନଭେମ୍ବର ୨୩ରେ ଫିଲ୍ମର ଟ୍ରେଲର ରିଲିଜ୍ ହେବ। ତେବେ ଏହି ଚଳଚ୍ଚିତ୍ରଟି ଡିସେମ୍ବର ୧ରେ ହିନ୍ଦୀ, ତେଲୁଗୁ, ତାମିଲ, କନ୍ନଡ, ମାଲାୟାଲମ୍ ସମେତ ଅନେକ ଭାଷାରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି ଯେଉଁଥିରେ ରଣବୀର, ରଶ୍ମିକା ମନ୍ଦନା, ବବି ଦେଓଲ୍, ଅନିଲ କପୁର ଏବଂ ତ୍ରୁପ୍ତି ଡିମ୍ରି ପ୍ରମୁଖ ଭୂମିକାରେ ନଜର ଆସିବେ।