ମୁଁ ପାକିସ୍ତାନରେ ନାଚୁଛି; ତମେ ମିଡିଆ ସାମ୍ନାରେ ନାଚୁଛ: ସ୍ବାମୀ ଅରବିନ୍ଦଙ୍କୁ ଗାଳି କରି କହିଲେ ଅଞ୍ଜୁ

ନୂଆଦିଲ୍ଳୀ: ଭାରତୀୟ ମହିଳା ଅଞ୍ଜୁ ପାକିସ୍ତାନ ଯାଇ ପ୍ରେମିକ ନସରୁଲାଙ୍କୁ ବିବାହ କରି ସାରିଛନ୍ତି। ସେ ପୂର୍ବରୁ ବୁଲିବାକୁ ପାକିସ୍ତାନ ଯାଇଥିବା କହୁଥିବା ବେଳେ ତାଙ୍କର ଏକ ପ୍ରି-ଓେଡିଂ ଫଟୋସୁଟ୍‌ର ଭିଡିଓ ଭାଇରାଲ୍ ହୋଇଥିଲା। ତାପରେ ସେ ପାକିସ୍ତାନୀ ପ୍ରେମିକ ନସରୁଲ୍ଲାଙ୍କୁ ବିବାହ କରିଥିବା ସ୍ବୀକାର କରିଥିଲେ। ଏପଟେ ଗଣମାଧ୍ୟମରେ ତାଙ୍କ ସ୍ଵାମୀ ଅରବିନ୍ଦ ପତ୍ନୀ ଅଞ୍ଜୁଙ୍କୁ ଫେରେଇ ଆଣିବାକୁ ସରକାରଙ୍କ ନିକଟରେ ଗୁହାରି ଲଗାଇଥିଲେ। ସେ କହୁଥିଲେ ଯେ ତାଙ୍କର ପତ୍ନୀ ଅଞ୍ଜୁଙ୍କ ସହ ଯୋଗାଯୋଗ ହୋଇ ପାରୁନାହିଁ।

ହେଲେ ଏତେ ଦିନ ପରେ ଫୋନ୍‌ ଯୋଗେ ପତ୍ନୀ ଅଞ୍ଜୁଙ୍କ ସହ କଥା ହୋଇଛନ୍ତି ଅରବିନ୍ଦ। ରିପୋର୍ଟରୁ ଜାଣିବାକୁ ମିଳିଛି ଯେ ଅରବିନ୍ଦଙ୍କୁ ଖୁୁବ୍ ଗାଳିଗୁଲଜ କରିଛନ୍ତି ଅଞ୍ଜୁ। ପ୍ରଥମେ ଅରବିନ୍ଦ ଅଞ୍ଜୁଙ୍କୁ ତୁମେ ମୋ ସହ ଠିକ୍ କରିନାହ ବୋଲି କହୁଛନ୍ତି। ଅଞ୍ଜୁ ଉତ୍ତରରେ ପ୍ରଥମେ ନିଜକୁ ଦେଖ ବୋଲି କହୁଥିବାର ରେକର୍ଡ ହୋଇଛି।

ଅଞ୍ଜୁଙ୍କ ପ୍ରି-ଓେଡିଂ ଫଟୋସୁଟ୍‌ର ଭିଡିଓ ଦେଖି  ତୁମେ ପାକିସ୍ଥାନ ଯାଇ ନାଚୁଛ ବୋଲି ଅରବିନ୍ଦ କହୁଥିବା ବେଳେ ତମେ ମିଡିଆ ସାମ୍ନାରେ ନାଚୁଛ ବୋଲି ଉତ୍ତର ଦେଉଛନ୍ତି ଅଞ୍ଜୁ। ଶେଷରେ ଅଞ୍ଜୁ ନିଜ ପିଲାଙ୍କ ପାଇଁ ଭାରତ ଆସିବେ ବୋଲି କହୁଛନ୍ତି।

କେବଳ ସେତିକି ନୁହେଁ, ଅଞ୍ଜୁ ଅରବିନ୍ଦଙ୍କୁ ଫୋନ୍‌ରେ ଅପଶବ୍ଦ ପ୍ରୟୋଗ କରି ମଧ୍ୟ ଗାଳିଗୁଲଜ କରୁଥିବାର ସୂଚନା ରହିଛି। ଆଜ୍‌ତକ୍‌ ସହ କଥା ହୋଇ ଅରବିନ୍ଦ ଏ ସଂପର୍କରେ ଜଣାଇଛନ୍ତି। ତେବେ ପୂର୍ବ ସୂତ୍ର ଅନୁଯାୟୀ, ଅଞ୍ଜୁ ଅଗଷ୍ଟ ମାସରେ ଭାତର ଆସିବେ।